🇷🇺 Бөгөн Өфөлә Халыҡтар берҙәмлеге көнө алдынан республика Башлығы Радий Хәбиров хеҙм...
🇷🇺 Бөгөн Өфөлә Халыҡтар берҙәмлеге көнө алдынан республика Башлығы Радий Хәбиров хеҙмәт алдынғыларына – хәрби хеҙмәткәрҙәргә, ауыл эшсәндәренә, судьяларға, табиптарға, сәнғәт эшмәкәрҙәренә һәм башҡа төр һөнәр эйәләренә Рәсәйҙең һәм Башҡортостандың дәүләт наградаларын тапшырҙы. ✨ Бүләкләнеүселәргә мөрәжәғәт итеп, республика етәксеһе дәүләттең көсө халыҡтарҙың берҙәмлегендә һәм тарихҡа һаҡсыл ҡарашта булыуын билдәләне. – Бөгөн беҙҙең изге бурысыбыҙ – Ватан суверенитетын яҡлау. Еңеү, махсус хәрби операция бурыстарын хәл итеү өсөн барыһын да эшләргә. Ошо көндәрҙә 190-сы гуманитар конвойҙы алып барҙыҡ. Беҙ һәр ваҡыт махсус хәрби операцияла ҡатнашыусыларға һәм уларҙың ғаиләләренә ышаныслы таяныс буласаҡбыҙ. Һеҙҙең намыҫлы хеҙмәтегеҙ, юғары һөнәри оҫталылығығыҙ илде һәм республиканы нығытыуға хеҙмәт итә, – тине Радий Хәбиров. Олег Яровиков, Рәмилә Мусина фотолары.