Каен тузыннан сагыз кайнатабыз
Каен тузыннан сагыз кайнатабыз Исергәп авылы имам-хатыйбы Камил Шәмсуаров каен тузыннан сагызны беренче тапкыр 50 ел элек кайнатып караган. Ул #ТәмлеБаулы проектының алтынчы чыгарылышында сагыз кайнату серләре белән бүлеште. Аны әзерләү өчен ул каен тузы һәм сары (ак) май алды, чуенны майлап әзерләде. Каен тузын тар итеп ваклагач аны чуенга майлый-майлый ныклап тутырды һәм капкач каплап тимер мичтәге утка утыртты. Берничә сәгать талгын итеп кызу температурада кайнаганнан соң сагыз әзер булды. Аны салкын суга салып алырга һәм май белән шомартып төрле формаларга кертергә була. Өй температурасында саклана. #ТәмлеБаулы #ВкусныеБавлы #БаулыИнформ #Татмедиа
209 просмотров