Олоххо, ааспыт уонна аныгы үйэни ситимниир дьон баар буолааччылар. Биир оннук киһинэн Д...
Олоххо, ааспыт уонна аныгы үйэни ситимниир дьон баар буолааччылар. Биир оннук киһинэн Дмитрий Федосеевич Наумов буолар. Кини 1948 сыл алтынньы 6 күнүгэр Амма улууһун Сулҕаччы нэһилиэгэр төрөөбүтэ. Үөрэҕинэн — зоотехник, аналынан — салайааччы уонна суруйааччы. Дмитрий Федосеевич тыа хаһаайыстыбатыгар үлэлээбит эрэ буолбакка (совхоз үлэһититтэн дириэктэригэр дылы уонна тыа хаһаайыстыбатын миниистиригэр тиийэ), кини ону таһынан тыа сирин олохтооохторун туһунан уус-ураннык суруйан кэпсээннэригэр тиһэр. Кини суруйбут пьесалара Саха театрыгар туруоруллубуттара, онтон 2022 сыллаахха "Саха норуодунай суруйааччыта" диэн ытык аат иҥэриллибитэ. Кини суруйбут кинигэлэрин: "Дэриэбинэм барахсан", "Тыа ыала барахсан", "Төрүт буор", "Чомойор кыыһа", "Өйдөөн көрбүтүм... ", "Ааспыт үйэ оҕолоро... Аныгы кэм оҕонньотторо...", "Кэрэмэс", "Сталин мэтээлэ" биһиги библиотекабытыгар ааҕыаххытын сөп.