Ноябриин 18-до бидэ харагшадаа «Би-Толгонай» гэжэ зүжэгтэ уринабди
Ноябриин 18-до бидэ харагшадаа «Би-Толгонай» гэжэ зүжэгтэ уринабди Энэ зүжэг совет болон киргиз уран зохёолой классик Чингис Айтматовай «Эхын таряалан» гэжэ туужаар үндэһэлжэ табигдаһан юм. Кыргызстанай ниислэл Бишкектэ табан жэлдээ нэгэ удаа «Айтматов болон хүүгэд» гэһэн ехэ наадан үнгэргэгдэдэг, тэндэ эгээ энэ таанартаа дурадхаһан зүжэгнай нэгэ хүнэй наадаһан эрхим зүжэг гэһэн сэгнэлтэдэ хүртөө бэлэй. Толганайн дүрые эрхимээр харуулһан зүжэгшэмнай – Оросой Холбооной габьяата зүжэгшэн Должин Тангатова. Найруулагшань Баяр Бадмаев. «Би-Толгонай» - Толганай гэдэг эхэнэрэй хүнгэн бэшэ хуби заяан тухай зүжэг. Тэрэнэй хубида айхабтар хүшэр амидарал тудаа ха юм: дайн, үлэсхэлэн үе, нүхэрөө, хүүгэдээ алдаһан... Хэды ехээр хуби заяанай сохилтодо оробошье, Толганай голойнгоо хүсэ табяагүй, бусад зонойнгоо жаргалай түлөө тэмсэлэй гүн дундуур ябана гэжэ харанабди. 🎟️ Приобретайте билеты в кассе и на https://burdram.ru 📍 Действует Пушкинская карта Буряад театр в MAX: https://max.ru/gbatd #uuportal