Ыам ыйын 27 күнүгэр, С.С. Васильев-Борогонскай аатынан киин библиотека ааҕар саалатыгар... — 28 мая 2026 г. в 01:20:39.547
Ыам ыйын 27 күнүгэр, С.С. Васильев-Борогонскай аатынан киин библиотека ааҕар саалатыгар, Бүтүн Россиятааҕы библиотека күнүн үөрүүлээх тэрээһинэ буолан ааста. Тэрээһини киин библиотека «Уран тыл алыба» түмсүүтүн литературнай композициятынан саҕаланна. Сыл бастыҥ үлэһиттэрин анал ааттары кииннэммит библиотека тиһигин директора Павлова Л.С. туттарда: БИБЛИОПРОФИ – Готовцева Айталина Семеновна , Найахы библиотекатын сэбиэдиссэйэ; Общественник – библиотекарь – Осипова Ирина Аркадиевна, Хоноҕор библиотекатын сэбиэдиссэйэ; Айар үлэҕэ көхтөөх буолуу иһин – Неустроева Варвара Петровна, Оҕо библиотекатын сүрүн библиотекара; Саҥа сүүрээни үлэҕэ киллэрээччи - Орлова Тамара Гаврильевна, С.С. Васильев-Борогонскай аатынан киин библиотека Куйаар ситимин нөҥүө үлэлиир Киин сүрүн библиотекара; Идэтигэр бэриниилээх – Копырина Любовь Дмитриевна, С.С. Васильев-Борогонскай аатынан киин библиотека справочнай –библиографическай салаатын сүрүн библиограба. Салгыы Лена Семеновна биир санаанан салайтаран үлэлиир тэрилтэлэргэ, общественнай түмсүүлэргэ, күүс-көмө буолар биирдиилээн дьоҥҥо кииннэммит библиотека тиһигин махтал суругун туттарда. Ааҕааччыны кытта үлэҕэ салаа сэбиэдиссэйэ Аммосова Г.В. бастыҥ ааҕааччылары махтал суругунан бэлиэтээтэ. В.В.Никифоров-Күлүмнүүр төрөөбүтэ 160 сылынан Киин библиотека кэтэхтэн викторинатын түмүгүн «Алгыс» кыраайы үөрэтэр салаа сэбиэдиссэйэ Павлова О.Н. билиһиннэрдэ. Идэлээх бырааһынньыктарынан улуустааҕы кииннэммит библиотека тиһигин коллективын эҕэрдэлээтилэр Уус Алдан улууһун баһылыгын солбуйааччыта Аргунов Г.Ф., улуус мунньаҕын бэрэссэдээтэлэ Аммосов И.И., Мүрү нэһилиэгин баһылыга Румянцев П.Ф., культура управлениетын начальнига Киренская Э.М., библиотеканы кытта ситимнээхтик үлэлэһэр тэрилтэлэр салайааччылара уонна бэрэстэбиитэллэрэ.