Ыам ыйын 27 күнэ – Бүтүн Россиятааҕы Библиотека күнэ. Бу күн дойду үрдүнэн билиини-көрү... — 27 мая 2026 г. в 03:38:09.832
Ыам ыйын 27 күнэ – Бүтүн Россиятааҕы Библиотека күнэ. Бу күн дойду үрдүнэн билиини-көрүүнү, саҥаны-сонуну, сырдыгы, кэрэни тарҕатар библиотека үлэһиттэрэ, үтүө үгэскэ киирбит, бииртэн биир ааҕааччылар болҕомтолорун тардар тэрээһиннэри ыыталлар. С.С. Васильев - Борогонскай аатынан улуустааҕы киин библиотека бу күҥҥэ аналлаах биир дойдулаахпыт, ааспыт икки үйэ кирбиитигэр саха норуотун бастакы көлүөнэ национальнай интеллигенциятын идейнэй-политическай, культурнай деятелэ, төрөөбүт норуотун көҥүлүн, тэҥ быраабын, бэйэни салайыныытын, сайдар-үүнэр кэскилин туһугар утумнаах охсуһааччы, төлөннөөх патриот ВАСИЛИЙ ВАСИЛЬЕВИЧ НИКИФОРОВ-КҮЛҮМНҮҮР төрөөбүтэ 160 сылыгар анаммыт "БЭЙЭТИН КЭМИН СҮДҮ КИҺИТЭ" кэтэхтэн биктээриинэ тэрийэн, түмүгүн таһаарда. Дьүүллүүр сүбэ сыанабылын түмүгүнэн Мүрү нэһилиэгиттэн Клара Николаевна Троева, Курбуһах нэһилиэгиттэн Геннадий Дмитриевич Пестряков, Лөгөй нэһилиэгиттэн Валентина Ивановна Бурнашева кыайыылаахтарынан ааттаннылар. Кинилэргэ Добун суруктары тэҥэ бириистэр, бары кыттыылаахтарга Туоһу суруктар туттарылыннылар.