Бүгүн алтынньы 8 күнүгэр улуустааҕы киин библиотекаҕа Аҕам саастаахтар күннэрин чэрчити...
Бүгүн алтынньы 8 күнүгэр улуустааҕы киин библиотекаҕа Аҕам саастаахтар күннэрин чэрчитинэн Мүрү нэһилиэгин общественнай түмсүүлэрин икки ардыгар “Билиигин тургут, аҕа көлүөнэ” диэн квиз-оонньуу ыытылынна. Оонньууга “Союз пенсионеров”, “Үһүс саас оскуола”, “Күндүүнэ”, “Сэргэх олох” түмсүүлэр кыттыыны ыллылар. Уопсайа 3 түһүмэхтээх оонньууга илин-кэлин түһүстүлэр. Арассыыйаҕа норуоттар доҕордоһууларыгар, СӨ култуура сылларыгар, улууспут биллэр-көстөр дьонноругар, ытык кэрэ сирдэригэр сыһыаннаах боппуруостарга, түөрт хартыына көмөтүнэн тылы таайыы, мүнүүтэҕэ элбэх тылы быһааран таайтарыы курдук көрүҥнэргэ өйү-санааны түмэн, сүбэлэһэн эппиэттээтилэр. Түмүккэ 1миэстэни – “Үһүс саас оскуолата”, 2 миэстэни – “Күндүүнэ”, 3 миэстэни – “Сэргэх олох” ыллылар, кинигэнэн бэлэх туттулар. Оонньуу кыттыылаахтарыгар киин библиотека комплектование отделын сүрүн библиотекара М.А.Иванова библиотекаҕа саҥа кэлбит кинигэлэри билиһиннэрдэ, “Кустук” уруһуй куруһуогун чилиэнэ М.П.Колодезникова библиотека ааҕар саалатыгар турбут “Мудрой осенью счастливые моменты” диэн уруһуй быыстапкатын туһунан кэпсээтэ. Кэлбит ыалдьыттар күлэн - оонньоон, сэргэхсийэн өссө да маннык оонньууларга кыттыахпыт диэн махтанан, астынан тарҕастылар.