Кабинет сэбиэдиссэйэ Розалия Егоровна Легусина Иван Михайлович таһаарыылаах үлэтин, оск...
Кабинет сэбиэдиссэйэ Розалия Егоровна Легусина Иван Михайлович таһаарыылаах үлэтин, оскуолаҕа куруук көмөлөһөрүн кэпсээтэ. Кыыстара Марина Ивановна үөрэнээччилэрбитигэр консультацияларын, пособиенан хааччыйар үтүө санаатыгар махталбытын аныыбыт👏🏻Тулуурдаахтык күүтэн, доргуччу хоһоон ааҕан начальнай кылаас оҕолоро Анна Константиновна, Василий Васильевич Эртюковтар ааттарынан иккис кылаас кабинетыгар көрүстүлэр👏🏻 Үөрэппит оҕолоро, кинилэр суолларын утумнааччылара баай опыттаах бастыҥ учуутал Феврония Егоровна Баева элбэх хаартыскалаах, толору презентациянан үтүө-мааны дьоннорун истиҥник сырдатта. Эмиэ биир үөрэнээччилэрэ, кинилэри холобур оҥостон ситиһиилээх учуутал буолбут Анна Афанасьевна Борисова махталын анаата👏🏻👏🏻👏🏻" Биология кабинетыгар тапталлаах учууталбыт, кылааспыт салайааччыта Филатова Акулина Федоровна аата иҥэриллибитэ долгутиа, үөртэ. Ийэтин туйаҕын хатаран биология учуутала идэлээх Надежда Георгиевна киһи истэн олоруох курдук учууталбыт туһунан хаартыскаларынан бигэргэтэн кэпсээтэ, биһиги үөрэммит учебниктарбытын көрдөрөн оччотооҕу кэмнэргэ илэ тиийэ сырыттыбыт. Хас тэрээһиҥҥэ, юбилейнай дааталарга учууталбыт салайбыт кылаастарын оҕолорунан оҥоһуллубут альбом-рапордара выставканы байытта. Бу да сырыыга үгэс кэһиллибэтэ, биһиги кылаас оскуоланы бүтэрбиппит 45 сыллаах быйылгы отчуота кабинекка бэлэхтэннэ👍👍👍 5. "Үөрэнээччи махтала" түһүмэх сахалыы сиэринэн, итии чэйдээх, арыылаах саламааттаах, алаадьылаах остуол тула олорон ааспыт кэм нөҥүө кэскиллээҕи кэпсэтиигэ, соруктары ылыныыга ананна🗒️🚩🚩🚩Наһаа үчүгэй истиҥ эйгэлээх оскуолатааҕы оҕо сааспытыгар ыалдьыттаан, учууталларбытын дириҥ махталынан, тапталынан ахтан-санаан сандал сааспытын көрүстүбүт, Биэс сылынан оскуолабыт 125 сааһын туолар официальнайдык республикаҕа бэлиэтэнэр юбилейыгар былааннанар кэскиллээх үлэ хардыылара ситиһиилэргэ сирдээтинэр, түмсүүнү төлкөлөөтүнэр, сайдыыга салайдынар🌿🌿🌿🚩🚩🚩Махтал бииргэ буоларбытыгар, ыраахтан-чугастан сүбэбитин холбоон кэскили түстүүрбүтүгэр👏🏻👏🏻👏🏻🌿🌿🌿 М. Лукачевская