Муус устар 17 күнүгэр Чөркөөх оскуолатыгар ситиһиилээхтик үлэлээбит, үөрэҕирии эйгэтигэ...
Муус устар 17 күнүгэр Чөркөөх оскуолатыгар ситиһиилээхтик үлэлээбит, үөрэҕирии эйгэтигэр саҥа, сонун ньымалары киллэрбит, элбэх көлүөнэ үөрэнээччилэрин, төрөппүттэрин махталын ылбыт ытык-мааны учууталларбыт Анна Константиновна, Василий Васильевич Эртюковтар, Акулина Федоровна Филатова, Тамара Григорьевна Мордосова, Дмитрий Степанович Жегусов, Иван Михайлович Прохоров ааттарын үөрэх кабинеттарыгар иҥэрии "Учуутал, эн үрдүк ааккар сүгүрүйэбит!" тэрээһин биэс түһүмэҕинэн ыытылынна🌞🌿🌿🌿1. Үөрэнээччилэргэ анаан Билиигэ айан маршруттара биэс кабинетынан квест-оонньуу форматынан тэрилиннэ: начальнай кылаас, химия, биология, саха тыла уонна литература, математика кабинеттарынан сылдьан, үгүс сыллары уҥуордаан, номох буолан иһирэхтик ахтыллар убаастыыр учууталларбыт тустарынан билиилэрин хаҥаттылар. Оҕолор кылаас-кабинеттар сэбиэдиссэйдэрэ уратытык толкуйдаммыт дьарыктарыгар кытыннылар: хоһоон аахтылар, опыт оҥордулар, ахтыылары иһиттилэр, презентация көрдүлэр. 2. Ыҥырыыбытын ылынан, Ытык-мааны учууталларга үөрэммиттэр, бииргэ үлэлээн ааспыт, алтыспыт педагогическай үлэ ветераннара, чугас аймахтара, оҕолоро, сиэннэрэ кэлэн оскуолабыт музейыгар дьоһун миэстэни ылар выставканы кытта билистилэр (музей үлэтин сүрүннээччи М.С. Сокольникова) 3. Тэрээһин үөрүүлээхтик аһыллыыта 5-с кылаас толоруутугар "Чему учат в школе?" музыкальнай эҕэрдэнэн саҕаланна. Саалаҕа мустубут дьоҥҥо үйэтитии үлэтин көлүөнэлэри ситимниир суолтатын быһааран туран, саҕалааһын бастакы хардыыта саҕаламмытын биллэрэн директор Е.В. Лебедев үөрэх кабинеттарыгар ааттары иҥэрии бирикээһин ааҕан иһитиннэрдэ🗒️Нэһилиэкпит сайдыытыгар, общественнай олоҕор оскуола үөрэнээччилэрэ, учууталлара, төрөппүттэрэ төһүү күүс сэргэ, кэскили түстээччилэр, үтүө үгэстэри утумнааччылапр буолалларын бэлиэтээн туран Баһылык солбуйааччыта Вырдылина А. В. юбилейнай тэрээһиннэрбитинэн коллектив аатыгар Эҕэрдэ суругу туттарда👏🏻👏🏻👏🏻🚩🚩Төрөппүттэрин утумнаан учуутал идэтин баһылаан, үөрэнээччилэргэ дириҥ билиини иҥэрэр, республикаҕа, улууска ситиһиилээх Д.В. Попова, Л.Д. Яковлева, Н.Г. Винокурова иһирэх ахтыыларын оҥордулар, махталларын анаатылар. Педагогическай үлэ ветерана П. Ф. Кычкина оскуолатааҕы үөрэммит сылларыгар, кэлин завучтуур, учууталлыыр, сельсоветка үлэлиир кэмнэригэр алтыспыт үтүө дьонугар махталын анаата. 4. Оскуолабыт үйэтитиигэ саҕалаабыт хардыытын сүрүн чааһынан кылаас-кабинеттар ааннарыгар Ытык-мааны учууталларбыт ааттара суруллубут дуоскалары (плакетканы) сэбиэскэй кэммит символынан буолбут кыһыл өҥнөөх сабыытын арыйыы буолла! Т.Г Мордосова аатынан химия кабинетыгар ийэтин олоҕун, үлэтин-хамнаһын, үөрэнээччилэригэр, дьиэ-кэргэнигэр сыһыанын толорутук, наһаа истиҥник кыыһа, география бастыҥ учуутала, үрдүк ситиһиилээх коллегабыт Лена Дмитрьевна сырдатта, дьиэтээҕи архивыттан аҕалбыт выставката киэҥ сэҥээриини ылла. Химия предметэ хайдах да лабораторнай үлэтэ, опыта суох табыллыбат, Валентина Николаевна киэн туттар учууталларбытыттан биирдэстэрэ. Үөрэтэр оҕолоро быһаара-быһаара, бары ирдэбили тутуһан химическэй реакция о. д. а темаларга опыттары көрдөрдүлэр👍 Саха тылын уонна литературатын кабинетыгар Д.С. Жегусов аата иҥэриллибитэ - барыбыт киэн туттуута! Бастыҥ үөрэнээччитэ, туйаҕын хатарааччыта Бондарева Мариетта Петровна холобур буолар маастар-кылааһын астына көрдүбүт, араас үөрэтэр ньымаларын билиһиннэрбитин таһынан, учууталын архивын кичэйэн үөрэтэн туһанарын бэлиэтээтэ. Кыра кылаастарга төрөөбүт тылга тапталы иҥэрбит маҥнайгы учууталыгар А.И. Аржакова махтал тылларынан долгуйа билиннэ. 😍И.М. Прохоров төрөөбүт Чөркөөҕөр, Тааттатыгар математическай хамсааһыны тэрийбит учууталынан биллэр! Бүгүн киниэхэ үөрэммиттэр ааттарыттан Богатырев Роман Романович иһирэхтик аҕынна👍 Кылааһын оҕолоро элбэх буолан кэлэн кыттыбыттара үтүө холобуру көрдөрдө👏🏻👏🏻👏🏻