Бугун, алтынньы 9 күнүгэр, оскуолабыт үбүлүөйүн уонна Д.К. Сивцев - Суорун Омоллоон 120...
Бугун, алтынньы 9 күнүгэр, оскуолабыт үбүлүөйүн уонна Д.К. Сивцев - Суорун Омоллоон 120 сааһын көрсө оскуолабыт иһинэн Уус-уран ааҕыы түһүлгэтэ тэрилиннэ. Бары кылаастар Суорун Омоллоон айымньытынан инсценировка, дорҕоонноохтук ааҕыы бэлэмнээн көрдөрдүлэр. Ол курдук Александра Валерьевна салайааччылаах бастакы кылаас коллектива "Диигиниир мээчик", Феврония Егоровна Баева салайааччылаах 3 кылаастан Охотина Владиана "Куттамсах куобах", Оксана Васильевна Амонова салайааччылаах 5 кылаастар "Төрөөбүт үрэҕим таптала", Елена Егоровна Барашкова салайааччылаах 10 кылаастар "Ийэ дойду" уонна Сардаана Дмитриевна Новгородова салайааччылаах 11 кылаастар "Көтөр аал" айымньылары уус-ураннык ааҕан иһитиннэрдилэр. Оттон Людмила Ивановна Халгаева салайааччылаах 2 кылаас коллектива "Тымныы оҕуһа", Саргылаана Ивановна салайааччылаах 4 кылаастар "Доҕоттор", Надежда Александровна Попова салайааччылаах 6 кылаастар "Маныыһыт уонна торбуйах", Анна Филипповна Решетникова салайааччылаах 7 кылаастар "Ачаа саһаана", Ульяна Дмитриевна Анисимова салайааччылаах 8 кылаастар "Муммут уолаттар" уонна Мариетта Петровна Бондарева салайааччылаах 9 кылаас коллектива "Бастакы дьарапылаан" айымньылары бэрт итэ5этиилээхтик оонньоон көрдөрдүлэр. Артыыстар таҥастара-саптара, уобарастара, тутта-хапта сылдьаллара көрөөччүлэргэ автор санаатын толору тиэртэ. Түмүк Алтынньы 12 күнүгэр, бэнидиэнньиккэ үөрүүлээх линейкаҕа биллэриллиэ. Хас биирдии кылаас Анал аатынан наҕараадаланыа.