Бүгүн, балаҕан ыйын 24 күнүгэр, оскуолабыт "Дарханнар" кулууп иитиллээччилэрэ, Чурапчы-... — 24 сентября 2026 г. в 13:57:12.843
Бүгүн, балаҕан ыйын 24 күнүгэр, оскуолабыт "Дарханнар" кулууп иитиллээччилэрэ, Чурапчы-Хатылы-Болтоҥо-Чуораайытта маршрутунан күһүҥҥү сүүрүүгэ кытыннылар. Бу сүүрүү С.А. Новгородов 135 сааһын көрсө тэрээһиннэр саҕалааһыннара буолла. Уопсайа 43 уол 22 км сүүрэн тулуурдарын, дьулуурдарын, кыахтарын бигэргэттилэр. Үбүлүөйдээх тэрээһиннэри саҕалааһыны өйөөн, ыҥырыыбытын ылынан, Н.Д. Субуруускай аатынан орто оскуолаттан 15 оҕо кыттыыны ылбыттара кэрэхсэбиллээх. Н.Д.Субуруускай аатынан оскуола музейын салайааччыта З.Е.Егоров оҕолорго Ноҕуруодап олоҕун, Чуораайытта алаас туһунан сүрдээх интэриэһинэйдик кэпсээтэ. Оҕолор Сэмэн Ноҕуруодап төрөөбүт алааһын харахтарынан көрөн, викторинаҕа кыттан, алгыс ылынан, мэҥэ тааска баҕа санааларын этэн, тото-хана аһаан тарҕастылар. Бүгүҥҥү тэрээһинтэн оҕолорбут билиилэрэ хаҥаан, элбэҕи толкуйдаан барбыттара буолуо диэн эрэнэбит. #ЧСОШСАН #ДарханКыьата #СахаСаарыннара #СэмэнНоҕуруодап #СахалыыСурукБичик #МаршБросок #Дарханнар