Бүгүн И. М. Павлов аатынан Чурапчы орто оскуолатыгар киэн туттар биир дойдулаахпыт пед...
Бүгүн И. М. Павлов аатынан Чурапчы орто оскуолатыгар киэн туттар биир дойдулаахпыт педагогика түмэлин, норуот педагогикатын түмсүүтүн төрүттээччи, историк, кыраайы үөрэтээччи Кирилл Кириллович Пермяков төрөөбүтэ 100 сылыгар аналлаах “Биир тыыҥҥа түмсэн, күүспүтүн холбуоҕуҥ” улуустааҕы научнай-практическай кэмпириэнсийэ буолан ааста. Сыала-соруга оҕону иитэр-үөрэтэр көдьүүстээх үлэни туһанар, үүнэр көлүөнэни иитиигэ туспа, сонун, суоллаах-иистээх төрөппүттэр уонна үөрэх эйгэтин үлэһиттэрин баай уопуттарын тарҕатыы уонна билиһиннэрии. Кэмпириэнсийэ үөрүүлээх аһыллыытыгар биһиги оскуолабыт 9 а кылааһын үөрэнээччилэрэ “Биир тыыҥҥа түмсэн, күүспүтүн холбуоҕуҥ” дьүһүйүүнэн кытыннылар (сал. Л. Е. Попова, Г. Н. Игнатьева). Кэмпириэнсийэҕэ Мугудай, Хатылы, Бахсы, Уһун-Күөл, Улахан-Күөл, Одьулуун, Чурачы нэһилиэктэриттэн барыта 37 педагог, иитээччи уонна төрөппүт кыттыыны ылла. Биһиги оскуолаттан 3 педагог уонна биир үөрэнээччи бэйэлэрин үлэлэрин билиһиннэрдилэр. Түмүккэ биһиги оскуола педагогтара Л. Е. Попова, Е. В. Иванова "Норуот педагогиката — оҕону иитиигэ" (Өбүгэ үөрэҕин аныгы кэмҥэ туттуу) хайысхаҕа бастакы миэстэ буоллулар.