Алтынньы 17 күнүгэр, Чурапчы орто оскуолатын эдэр үлэһиттэрин көҕүлээһиннэринэн Г.Д. Пр...
Алтынньы 17 күнүгэр, Чурапчы орто оскуолатын эдэр үлэһиттэрин көҕүлээһиннэринэн Г.Д. Протодьяконов аатынан Алаҕар орто оскуолатыгар улуус үс оскуолатын эдэр үлэһиттэрин көрсүһүүтэ тэрилиннэ. Манна уопсайа 22 эдэр үлэһит С.А. Новгородов аатынан Чурапчы орто оскуолатыттан, Д.Г. Барашков аатынан Бахсы орто оскуолатыттан уонна Г.Д. Протодьяконов аатынан Алаҕар орто оскуолатыттан кыттыыны ылла. Бу күн эдэр учууталларбыт ураты аһаҕас уруоктары ыыттылар: - Попова Лилия Егоровна, С.А.Новгородов аатынан Чурапчы ОО – «Дьулуруйар Ньургун Боотур» олоҥхону ырытыы (9 кыл.); - Яковлев Василий Яковлевич, Г.Д.Протодьяконов аатынан Алаҕар ОО – «Культурное пространство Европы» (8 кыл.); - Красильникова Альбина Ньургуновна, С.А.Новгородов аатынан Чурапчы ОО – «Соберём Россию по частям» (8-9 кыл.). Ону тэҥэ умсугутуулаах маастар кылаастар буоллулар: - Пермякова Мария Дмитриевна, С.А.Новгородов аатынан Чурапчы ОО – «Настольная игра "Геополия"» (10 кыл.); - Артемьева Анна Анатольевна, С.А.Новгородов аатынан Чурапчы ОО – «От идеи к уроку: копилка эффективных приемов для учителей начальных классов» (үлэһиттэр); - Заровняев Александр Александрович, С.А.Новгородов аатынан Чурапчы ОО – «Геометрия в быту» (үлэһиттэр); - Христофоров Александр Александрович, Андросов Анатолий Васильевич, Г.Д.Протодьяконов аатынан Алаҕар ОО – «Ох саа» (үлэһиттэр); - Юмшанов А.И., Муксунов А.И., Г.Д.Протодьяконов аатынан Алаҕар ОО «Кырыымпа» уонна «Харысхал» (үлэһиттэр). Аһаҕас уруоктар уонна маастар кылаастар кэннэ, хамаандаҕа арахсан, 6 станциянан квиз оонньуу ыытылынна. Ол түмүгүнэн кыайыылаах – "Дьулуур", иккис – «Сулустар», үһүс – «Комета» хамаандалар буоллулар. Бары көхтөөхтүк, түмсүүлээхтик, оҕолуу күлэн-үөрэн, билсиһэн оонньоотулар. Төгүрүк остуолга - уруоктарга куйаар ситимин туттуу, уруок кэмигэр оҕоҕо хайдах интэриэс үөскэтэллэрин, санаалара тууйуллар кэмигэр тугу гыналларын уонна да атын эдэр дьону долгутар боппуруостарга санааларын үллэһиннилэр, бэйэлэрин ньымаларын сырдаттылар. Бу күн уопут атастаспыт учууталларга Чурапчы улууһун үөрэҕин салалтатын туоһу суруктара туттарылыннылар уонна түмүккэ тэрээһин хайдах ааспытын, туох итэҕэстэр баалларын ырытан кэпсэттилэр, салгыы үлэлэһэргэ былаан торумнаатылар. Тэрээһини оскуолалар салалталара өйөөн маннык сэргэх тэрээһин буолан ааста, инникитин түмсүү салгыы улаатан, кэҥээн иһэригэр баҕарабыт, эдэр дьон сайдалларыгар, уопутуралларыгар сүрдээх үчүгэй хамсааһын буолар.