Алтынньы 16 күнүгэр, оскуолабыт кылаастарын, төрөппүттэрин кэмитиэтин салайааччылара му...
Алтынньы 16 күнүгэр, оскуолабыт кылаастарын, төрөппүттэрин кэмитиэтин салайааччылара мустан сүбэ мунньах ыытыллынна: Мунньахха кэпсэтии маннык буолла: • Ыкса сибээһи олохтооһун: Дьиэ кэргэн уонна оскуола биир соруктаахтык үлэлииллэрин ситиһии. • Тэрээһин боппуруостары быһаарыы: Кылаас эбэтэр оскуола олоҕор сыһыаннаах үп-харчы, сырыы, куттал суох буолуутун уонна атын куонкурустары ырытыы •Төрөппүт сүбэтин сыллааҕы былаанын ылыныы. • Төрөппүт сүбэтин талыы: Оскуола улуус таһыгар төрөппүттэр ааттарыттан сүбэ мунньахтары тэрийиигэ кыттыыны ылар, туруорсар оскуола төрөппүтүн сүбэтин председателынан Анна Петровна Можарова, солбуйааччытынан Анисимова Юлия Николаевна үлэлиэхтэрэ. •Маны таһынан хас биирдии кылаас төрөппүттэрин кытта бииргэ бырайыак толкуйдаан үлэҕэ киллэриэххэ диэн эттилэр. Чопчу, олунньу ыйга С.А. Новгородов 135 с үбүлүөйүн көрсө, ол тула бырайыактары толкуйдуох диэн сүбэлэстилэр. "Оҕо улаатар эйгэтэ, доҕотторо уонна куттал суох буолуута хас биирдии төрөппүтү долгутар. Кылаас, оскуола ис олоҕор төрөппүт, дьиэ-кэргэн өттүттэн наадалаах көмө хайаан да баар буолуохтаах "Оскуола-төрөппүт-оҕо" биир ситим буолан үлэлэстэхпитинэ эрэ оҕолорбут киһи киһитэ, олоххо бэлэмнээх буолан тахсыахтара" диэн Анна Петровна мунньаҕы түмүктээтэ.