Тетĕрпуçĕнчи Петровсен çемйи «Урал сасси» хаçат редакцинче пулчĕç — 16 июля 2026 г. в 08:38:08.800
Тетĕрпуçĕнчи Петровсен çемйи «Урал сасси» хаçат редакцинче пулчĕç Урал сасси» ВКонтакте ушкăнра «Çирĕп çемье – патшалăх тĕрекĕ» конкурс иртни çинчен эпир вулакансене пĕлтернĕччĕ. Ăна редакци виçĕ номинаципе йĕркелерĕ. Июль уйăхĕн 10-мĕшĕнче çĕнтерÿçĕсене (вĕсене вулакансем вăл е ку çемьешĕн мĕн чухлĕ сасăланине шута илсе тунă) палăртрăмăр. «Çулсем иртсен те эпир пĕрле» номинацире Çтерлĕпуç районĕнчи Тетĕрпуç ялĕнче пурăнакан Вячеславпа Ирина Петровсен çемйи мала тухрĕ. Çак кунсенче вĕсем редакци тĕпелĕнче пулчĕç, çĕнтерÿçĕ Дипломĕпе маларах хатĕрленĕ парнене (электрочейник) тĕп редакторăн Юрий Михайловăн аллинчен илчĕç, редакци коллективĕпе асăнмалах сăн ÿкерчĕк те ÿкрĕç. Мĕнех, эпир Вячеслав Андреевичпа Ирина Петровнана тепĕр хут чун-чĕререн саламлатпăр, конкурсра вĕсене çĕнтерме пулăшнă сасăлавçăсене тав тăватпăр. Сăмах май, çакăн евĕр конкурссене редакци пĕрре мар ирттерчĕ, вĕсене малашне те йĕркелĕпĕр. Сире вара, хисеплĕ вулакансем, хастартарах та хăйюллăрах хутшăнма йытатпăр. Паллах, ăнăçу сунатпăр.