Пушкăртстанри çăлавçă БПЛА операторĕ пулса тăнă
Пушкăртстанри çăлавçă БПЛА операторĕ пулса тăнă Зианчура район администраци пуçлăхĕ Дамин Юланов пĕлтернĕ тăрăх, Пушкăртстан ялĕнчи çăлавçă пилотсăр вĕçекен системăсен операторĕ пулса тăнă. – Галиян çак утăма тĕплĕ шухăшласа тунă. Унта вăл хăй ирĕкĕпе çырăннă. СВО пуçланиччен МЧС службинче ĕçленĕ. Халĕ пирĕн ентеш Донецк Халăх Республикинче БПЛА çарĕсенче хĕсметре тăрать, – çырнă муниципалитет пуçлăхĕ Çак кунсенче боец службăран хăйĕн пĕрремĕш отпускне таврăннă. Килте ăна амăшĕпе икĕ хĕрĕ (вĕсем студентсем) кĕтеççĕ. – Унта, малти линире, пурте пĕр çемье пек. Тĕрлĕ çынсем, тĕрлĕ кун-çул, апла пулсан та питĕ туслă пурăнатпăр, пĕр-пĕрне пулăшатпăр, хÿтĕлетпĕр. Тăванлăхпа пĕрлĕх ăнлавсем – паянхи куншăн чи пĕлтерĕшли. Звани те, хисеп те мар, юлташсем юнашар пулни. Кунта уйрăм çитĕнÿшĕн паракан чи лайăх награда вăл – отпускăн хушма кунĕсем. Медальсем, Хисеп хучĕсем мар, аннене, хĕрсене ыталани, килти сывлăшпа сывлама май пурри мĕне тăрать. Эпир шăпах вĕсен лăпкă пурнăçĕшĕн унта çапăçатпăр, – тет çар çынни. БПЛА çарĕсене пухасси малалла пырать. Тĕплĕнрех +7-927-940-01-74 телефон номерĕпе ыйтса пĕлме пулать.