Дьаҥхаады нэһилиэгэр саҥа уулуссаларга ытык дьон ааттара иҥэрилиннэ! — 4 сентября 2026 г. в 07:38:54.436
Дьаҥхаады нэһилиэгэр саҥа уулуссаларга ытык дьон ааттара иҥэрилиннэ! Күндү дойдулаахтарбыт! Дьаҥхаады нэһилиэгин депутаттарын көрүүтүгэр саҥа уулуссалары ааттааһыҥҥа аналлаах сүбэ мунньах буолла. Бу мунньахха нэһилиэкпит "Ытык сүбэ" түмсүүтүн салайааччыта, ытыктабыллаах Шарин Никита Павлович, нэһилиэкпит ытык дьонун ааттарын үйэтитии туһунан сүбэни киллэрдэ. Ол курдук, кэлэр көлүөнэҕэ холобур буолар, Дьаҥхаадыбыт сайдыытыгар үгүс сыратын биэрбит дьоммут ааттара уулуссаларга иҥэрилиннэ: • Шарина Мария Яковлевна – нэһилиэкпит биир биллиилээх стахановеһа, "БОЧУОТ ЗНАГА" орденнаах үлэһит дьахтар. • Баишев Алексей Николаевич – "Үлэ кыһыл знамята" орден кавалера, үлэҕэ-хамнаска холобур буолбут киһи. • Шарин Николай Михайлович – эмиэ "Үлэ кыһыл знамята" орден кавалера, кини нэһилиэкпит күүһэ-уоҕа. • Скрябин Василий Васильевич – Саха биллиилээх прозаига, поэта, чинчийээччитэ, СР үөрэҕириитин туйгуна, үрдүк категориялаах учуутал, гиирэ анньыыга ССРС спордун маастара, Мэҥэ-Хаҥалас улууһун Бочуоттаах дойдулааҕа уонна Россия Суруйааччыларын ситим чилиэнэ. Кини саха литературатыгар уонна үөрэххэ киллэрбит кылаата олус улахан. Депутаттар бу сүбэни бары биир сүбэнэн сөбүлэһэн ытыктабыллаах дьоммут ааттара саҥа уулуссаларга иҥэрилиннэ. Бу быһаарыы нэһилиэкпит историятыгар уонна кэлэр көлүөнэни иитиигэ улахан суолталаах! #Дьаҥхаады #ЫтыкДьонАаттара #НэһилиэкСайдыыта #ҮйэлээхСуол #СахаСирэ #АаттаахУулуссалар