Михайлов Алексей Прокопьевич (Ньурба), Васильева Айта Егоровна (Таатта), Дьяконов Алекс... — 7 июля 2026 г. в 06:36:33.479
Михайлов Алексей Прокопьевич (Ньурба), Васильева Айта Егоровна (Таатта), Дьяконов Александр Григорьевич (Кэбээйи) “Кэскиллээх кылыһах- кырыымпаһыт” ааты сүктүлэр. XIX төгүлүн ыытыллыбыт Олоҥхо ыһыаҕын Кэбээйигэ үөрүүлээх сабыллыытыгар, түмүктээһинигэр кылыһах-кырыымпаҕа күөн-күрэс кыттыылаахтара 100-чэкэ буолан түмсэн, күргүөмүнэн "Дьиэрэтии", "Кэбээйи оһуохайа", "Кэбээйи дорҕооно" матыыптары толорон бэйэлэрэ дуоһуйа астыннылар, хас биирдиилэрэ кыайыылаах буоллулар. Култуурабыт сайдыытыгар үлэлии-хамсыы, айа- тута, омукпут үгэһин тарҕата, кэнэҕэскигэ тириэрдэ сылдьар дьон Олоҥхо ыһыаҕар бииргэ түмсүүбүт норуоппут, Өрөспүүбүлүкэбит, бүтүн Россия күүстээх буоларыгар төһүү күүс, тирэх буолар. ОЛОҤХО ЫҺЫАҔАР УРУЙ-АЙХАЛ! Анна Томская, СР үтүөлээх артыыһа