Ытыктабыллаах Мэҥэ Хаҥалас улууһун олохтоохторо уонна ыалдьыттара! — 2 августа 2026 г. в 03:10:46.409
Ытыктабыллаах Мэҥэ Хаҥалас улууһун олохтоохторо уонна ыалдьыттара! Атырдьах ыйын 7 күнүгэр, "Андросов Fest" бэстибээл чэрчитинэн, 17.00 чаастан Майатааҕы Д.Ф. Ходулов аатынан норуот айымньытын дьиэтигэр, общественнай диэйэтэл, учуонай, уһуйааччы уонна норуокка биллибит ырыа айааччы Виталий Тимофеевич Андросов төрөөбүтэ 75-с төрөөбүт күнүгэр, айар үлэтин аргыстара, искусство маастардара кыттыылаах *"Алааһым арылы кустуга ”* ырыа дьоро түһүлгэтигэр ыҥырабыт! Кыттыыны ылыахтара улууспут мааны куоластаах ырыаһыттара Дмитрий Санников, Ульяна Ефремова, Надежда Захарова, Ньургун Эверстов, Мария Кириллова, "Кэрэли", "Суола кыргыттара" вокальнай квартеттар, "Айыына" вокальнай ансаамбыл, "Кыталык" үҥкүү норуодунай ансаамбыла, "Дьиэрэй" төрүт дорҕоон норуодунай бөлөҕө, ону сэргэ РФ уонна СӨ норуодунай артыыската Альбина Борисова - Кычкина, СӨ норуодунай артыыһа Григорий Петров, талааннаах толорооччу Рустам Слепцов, саха эстрадатын иэйиилээх ырыаһыта Эрчим, күүстээх куоластаах Умсуура, кырыымпалыы кылыһахтаах Ырыа Саарын уонна Саха Өрөспүүбүлүкэтин бастыҥ ааттаах ырыа айааччылара! Туруорааччы режиссер - "Душа России" бириэмийэ лауреата, РФ уонна СӨ култууратын үтүөлээх үлэһитэ Кыталык Баһылай. Киирии билиэт - 500 солкуобай, киирбит үп Виталий Андросов бюста туруутугар туһуланыаҕа. Билиэттэри hodulov.ru саайтан атыылаһыҥ. Каасса буолар күнүгэр - атырдьах ыйын 7 күнүгэр 14 чаастан үлэлиэҕэ.