📚✒️ Аллаһ Тәгалә болай ди: — 5 июня 2026 г. в 14:03:01.220
📚✒️ Аллаһ Тәгалә болай ди: ﴿إِنْ أَحْسَنْتُمْ أَحْسَنْتُمْ لِأَنْفُسِكُمْ﴾ «Әгәр берәр яхшылык кылсагыз, үзегез өчен яхшылык кылган буласыз», Исра 7. Садака биргәндә, ул мохтаҗ кешегә файда китергән кебек күренә. Әмма чынлыкта аның иң зур файдасы үзегезгә кайта. Ягымлы сүзегез кемнеңдер күңелен күтәрә, әмма аның әҗере сезнең гамәл дәфтәрегезгә языла. Кемнеңдер йөрәгенә шатлык кертсәгез, бу шатлык иң элек үз йөрәгегезне нурландыра. Кешеләргә ярдәм иткәндә, сез аларны баетмыйсыз гына түгел — үзегезне дә рухи яктан баетасыз. Чөнки яхшылыкның сере шунда: ул беркайчан да югалмый. Ул йә дөньяда бәрәкәт булып кайта, йә ахирәттә савап булып каршы ала. 🤲 Аллаһ Тәгалә безне изгелек кылырга ашыгучылардан, кешеләргә файдалы булган бәндәләреннән кылсын. Ихтирам белән Зөлфәт хәзрәт Габдуллин 🤲