Сәдакага дога кылу үрнәге🤲 — 6 июня 2026 г. в 02:44:00.479
Сәдакага дога кылу үрнәге🤲 «Аллаһым, иң Рәхимле һәм иң Шәфкатьле Раббым! Бу кешенең ихлас күңелдән биргән садакасын Үзеңнең рәхмәтең белән кабул ит. Аның малына, гомеренә, гаиләсенә, балаларына һәм эшләренә киң бәрәкәт бир. Гөнаһларын ярлыка, хаталарын кичер, йөрәген иман нурына тутыр. Аның эшләрен җиңеләйт, авырлыкларын күтәр, көтмәгән җирдән ярдәм бир. Күңеленә сабырлык, канәгатьлек һәм рәхмәт хикмәтләрен сал. Аны дөньяда гамәл җиңеллеге, бәхет-шатлык, сәламәтлек һәм иман байлыгы белән яшәт. Кыямәт көнендә йөзен якты, исәбен җиңел, урынын Җәннәттә кыл. Бу садаканы аның өчен ахирәттә яктылык, Җәһәннәм утыннан саклаучы пәрдә ит. Безнең дә, аның да догаларыбызны кабул ит. Син – Ишетүче, Белүче, Һәрнәрсәгә көче җитүче. Йа Раббым Аллаһ, Син әр-Рахмаан, әр-Рахиим, безне рәхмәтеннән ташлама, җәннәткә керерлек тормышлар насыйп ит. Әмиин 🤲💚 Хозур дин турында блогыннан