"Ләә хәүлә вә ләә куввәтә..." зикеренең файдалары — 15 июня 2026 г. в 14:50:02.316
"Ләә хәүлә вә ләә куввәтә..." зикеренең файдалары لا حول ولا قوة الا بالله العلي العظيم ✨ “Ләә хәүлә вә ләә куввәтә илләә билләәһил-галиййил-гаҙыыйм” (“з” хәрефе сакау итеп укыла). ✨ Мәгънәсе: “Газиз һәм Хаким булган Аллаһыдан башка көч һәм куәт иясе юктыр”. ⚜️ Пәйгамбәребез салләллаһу галәйһи вә сәлләм: “Берәү көненә 100 тапкыр “ләә хәүлә вә ләә куввәтә илләә билләәһил-галиййил-гаҙыыйм” сүзләрен әйтсә, ул кешегә фәкыйрьлек килмәс”, – дигән. ❇️ “Ләә хәүлә вә ләә куввәтә илләә билләәһил-галиййил-гаҙыыйм” сүзләренең ФАЗЫЙЛӘТЛӘРЕ: 1️⃣ Бу сүзләр нигъмәтләрне саклый. ⚜️ Пәйгамбәребез салләллаһу галәйһи вә сәлләм: “Аллаһыдан нигъмәтләр бирелүче аларны сакларга теләсә, күп тапкырлар “ләә хәүлә вә ләә куввәтә илләә билләәһил-галиййил-гаҙыыйм”, дип әйтсен”, – дигән (имам Әт-Табәрани). 2️⃣ 99 авырудан шифа булып тора. ⚜️ Әбү Һөрайра радыяллаһу ганһе Пәйгамбәребез салләллаһу галәйһи вә сәлләмнең: “Берәү “ләә хәүлә вә ләә куввәтә илләә билләәһил-галиййил-гаҙыыйм” сүзләрен әйтсә, 99 авырудан, шуларның иң кечкенәсе булган борчу һәм тынычсызлыктан шифа табар”, – дигән сүзләрен тапшырган (имам Әт-Табәрани, Хәким). 3️⃣ Ләә хәүлә вә ләә куввәтә илләә билләәһил-галиййил-гаҙыыйм – җәннәт ишекләре. ⚜️ Сәхабә Могаз бине Җәбәл радыяллаһу ганһедән тапшырыла. Расүлебез аннан: “Сиңа җәннәтнең ишекләрен күрсәтергәме?” – дип сораган. Ул: “Нинди ишекләр ул, йә Расүлуллаһ”, – дигән. Пәйгамбәребез: “Ләә хәүлә вә ләә куввәтә илләә билләәһил-галиййил-гаҙыыйм” сүзләре”, – дигән (имам Әт-Табәрани). Барчаларыгызга да бәрәкәтле, имин иртәләр, хәерле көннәр, уңышлы атналар теләп калам! Тимергали хәзрәт Юлдашев