Бу дьыл, балаҕан ыйын 30 күнүгэр, саҥа үлэҕэ киирбит үс этээстээх уораҕайга улуус админ...
Бу дьыл, балаҕан ыйын 30 күнүгэр, саҥа үлэҕэ киирбит үс этээстээх уораҕайга улуус администрациятын актовай саалатыгар, үөрэх дьылын биир сүбэнэн саҕалыырга олук ууран Бастыҥнар хамсааһыннарын олохтоох отделениятын Координационнай Сэбиэтин уочараттаах сүбэ мунньаҕа буолла. Кыттыыны ыллылар: улуус баһылыгын солбуйааччы Жерготов Н.Н., улуустааҕы үөрэх салалтатын начальнигын солбуйааччы Тютрина Т.А., Сэбиэт чилиэттэрэ, хас биирдии оскуола Первичнай отделениятын саҥа талыллыбыт председателлэрэ, куратордар, директордар. Бу үөрэх дьылын кэккэ ситиһиилээх саҕалаабыппыт инники өттүгэр өссө күүркэйэн үлэлииргэ кынаттыыр. Сүбэ кыттыылаахтара баар итэҕэстэри туоратан, инники соруктары туруорунан, бары бииргэ үлэлээн үчүгэй түмүктэргэ тиийиэххэйиҥ диэн биир санааҕа кэлии буолла. Оҕолор бары биир санаанан улуустааҕы Бастыҥнар Сэбиэттэрин олохтоох отделениятын председателинэн Дьулустаан Уранаевы уонна солбуйааччы председателинэн Күндүнэ Хаптагаеваны таллылар. Онон лидердарбытыгар айымньылаах, түмсүүлээх үлэни күүркэтэн ыыталларыгар баҕарабыт.