“Мин әсәйегеҙҙе һис бер ҡасан алыштыра алмам, ул бит әсәйегеҙ, иң ҡәҙерле, иң ғәзиз кеш... — 16 августа 2026 г. в 08:35:28.997
“Мин әсәйегеҙҙе һис бер ҡасан алыштыра алмам, ул бит әсәйегеҙ, иң ҡәҙерле, иң ғәзиз кешегеҙ, – тип һулҡылдай ул. – Атайығыҙ һоратып килгәс, баш тартырға ла уйлағайным, тик һеҙҙе йәлләп килдем. Әллә мине кейәүгә сыға алмағанға килгән тип уйлайһыңмы?! Бәләкәсһегеҙ, һеҙгә ҡарау кәрәк. Тик һеҙҙең өсөн генә килдем, былай булһа, ике аяғымдың береһен баҫмаҫ инем өйөгөҙгә! Әммә ҡайт тиһең икән, бөгөндән ҡайтып китермен”. “Ҡайт, һин беҙгә кәрәкмәйһең”, – тип бурһылданым. Ул илай-илай тороп, өй яғына китте. Ипләп кенә боролоп артынан ҡараным. Беҙҙең әсәй буйсан, кәүҙәгә елле ине, ә был йолҡош турғай кеүек бәләкәс, ябыҡ ҡына. Әсәйем сәсен таратһа – болот кеүек арҡаһына ятты, ә бының сәсе йоп-йоҡа, өс бөртөк. Аяғы ла кәкре генә, калуштарҙа тайыш-тойош ҡына атлап китеп бара. Йәл булып китте ул миңә. Әле уйлап ҡуям да, “аһ” итәм – баҡтиһәң, беҙгә килгәндә уға ни бары егерме ете генә йәш булған! Нисек дүрт балалы иргә ҡурҡмай килгән тиһең! https://ejansura.ru/articles/telgen-m-bergen-m/2026-01-12/g-y-s-y-r-4533881