Этнологический музейный комплекс «Мандар Уус» МР «Таттинский улус» РС(Я).
Образование · 23 июня 2026 г.
СҮДҮ ҮЛЭ – КЫЫС ХАППАХЧЫТА — 23 июня 2026 г. в 07:09:48.470
СҮДҮ ҮЛЭ – КЫЫС ХАППАХЧЫТА Баайаҕа иистэнньэҥнэрин биир сүдү, чулуу үлэтэ кэрэни кэрэхсээччилэр дьүүлүгэр таҕыста, Олоҥхо балаҕаныгар көрүүгэ турда. Сүктэр кыыс хаппахчытын иистэнньэҥнэр Б.Ф.Неустроев-Мандар Уус үлэтинэн сирдэтэн, былыргы ньыманан тиктилэр. Баайаҕаҕа "Мандар Уус" Айылгы уонна Айымньы киинин иһинэн "Испэ Туос" түмсүү айымньылаахтык үлэлиир. Маны Парасковья Петровна Бурнашева, Парасковья Васильевна Макарова салайаллар, бэйэлэрин тула иистэнньэҥ, уус кыргыттары түмэллэр. Алаһа дьиэни тэринэр, аал уоту оттор, алтан сэргэни анньар, төрөтөр оҕону төлкөлүүр, иитэр сүөһүнү күрүөлүүр кыыс оҕо хаппахчытын оһуора-мандара итини кэрэһилээн көрдөрөр. Саха норуотун духовнай-материальнай култууратын барҕардыыга Баайаҕа иистэнньэҥнэрин чулуу үлэлэрэ Амма улууһун Болугуругар тутуллубут туос ураһаҕа сүрүн миэстэни ылыаҕа. Бэс ыйын 25 күнүгэр Туос Ураһа аһыллар. Көмүс тарбахтаах кыргыттарбыт үлэлэрэ дьон сэҥээриитин, биһирэбилин ылыаҕа диэн эрэнэбит! Маргарита Егорова, хаһыат общ.корр. @taattagazeta @ulusmedia