Этнологический музейный комплекс «Мандар Уус» МР «Таттинский улус» РС(Я).
Образование · 9 июля 2026 г.
🌿🌿🌿🌿🌿🌿🌿 — 9 июля 2026 г. в 09:50:04.757
🌿🌿🌿🌿🌿🌿🌿 🌞🌞🌞🌞🌞🌞🌞 🌿🌿🌿🌿🌿🌿🌿 Үөрүүнү бэлэхтээри От ыйын сырылас куйааһыттан саллыбакка, киһиэхэ үөрүүнү бэлэхтээри, Ытык Күөлтэн "Айылҕаана" түмсүү (сал.Екатерина Игнатьевна Бурнашова) сэттэ иистэнньэҥ Далбардара кэлэн, Борис Федорович Неустроев - Мандар Ууһу көрсөн, эҕэрдэлээн, талба талааннаах тарбахтарын сылааһын, дууһаларын иэйиитин иҥэрэн оҥорбут панноларын бэлэх ууннулар. Панноҕа Мандар Уус үлэлэрэ, кини туһунан суруйуулар кинигэлэрин тастара бииртэн биир кэккэлээн, КЭРЭ КИҺИ туһунан сэһэргиир курдуктар... Өссө үөрүүлээҕэ... "Түмсүү-төлкө төрдө" диэн Борис Федорович дириҥ ис хоһоонноох этиитэ илэ-бааччы көстүбүтүттэн олус долгуйдубут. "Айылҕааналар" биһиги кыһалҕабытын кыһалҕа оҥостон, тэҥҥэ үллэстэн, Моҕол ураһаны сөргүтүүгэ 15 м уһуннаах көнтөһү өрөн аҕалан туттардылар. Кинилэр Айыы санааларыттан, үтүө сыһыаннарыттан үөрдүбүт. "Айылҕаана" түмсүү бары көмүс сүүтүктээх иистэнньэҥнэригэр доруобуйаны, дьолу, айар үөрүүнү баҕарабыт! Маргарита Егорова. 09.07.2026 сыл.