Балтач районы егетенә һәлак булганнан соң Батырлык ордены тапшырылды — 17 августа 2026 г. в 10:56:02.008
Балтач районы егетенә һәлак булганнан соң Батырлык ордены тапшырылды Бүген, 17 август көнне, Тәтешле районының хәрби комиссариатында Балтач районы егетенә һәлак булганнан соң Батырлык ордены тапшырылды. Югары награданы БР Хәрби комиссариатының Тәтешле һәм Балтач районнары буенча Хәрби комиссары Динар Тимербаев кулыннан яугирнең әнисе алды. Россия Федерациясе Президентының агымдагы елның 24 апрелендәге Указына ярашлы райондашыбыз, Тозлыбыин авылында туып-үскән Дмитрий Гайнитдиновка һәлак булганнан соң Батырлык ордены тапшырылды. Югары награда яугирнең әнисе Алина Вәлиуллинага бирелде. Бүгенге көн герое—Дмитрий Валерьевич 1993 елда дөньяга килгән. Тозлыбин авылында башлангыч мәктәптә белем алган. Ары таба укуын Иске Балтач 1нче урта мәктәбендә дәвам итә. Кечкенәдән спорт белән дус була. Йөгерү буенча алдынгы урыннар яулый. Чаңгыда йөри. Тугызынчы сыйныфтан соң Башкорт төньяк-көнбатыш авыл хуҗалыгы колледжында һөнәр үзләштерә. Эретеп-ябыштыручы була. Дипломын да кулына ала алмый ил алдында хәрби буручын үтәргә юллана. Волгоград шәһәре янында урнашкан хәрби частьләрнең берсендә, эчке гаскәрләрдә хезмәт итә. Армиядән кайткач Нефтекама шәһәрендә төпләнә. Вахта ысулы белән эретеп-ябыштыручы буларак йөреп эшли. 2024нче елның апрелендә контракт төзеп махсус хәрби операциягә юллана. Часов Яр шәһәре юнәлешендәге алышларда катнаша. Райондашыбыз биредә каты тән җәрәхәтләре ала һәм батырларча һәлак була. ... Ана кеше өчен бала югалтудан дңа ачырак кайгы юк. Алина Шакиряновна һаман да улының юклыгына ышана алмый. —Улымны ике тапкыр төшемдә күрдем. Ачыктан-ачы сөйләшәбез икән. Икенчесендә “Дима” дип кычкырып уяндым. Зур әнисе һәрвакыт “Диманы сакла” дип әйтә торган иде. Шулай буласын сизгән микән, белгән микән дип уйлыйм хәзер, —ди Алина Вәлиуллина. БР Хәрби комиссариатының Тәтешле һәм Балтач районнары буенча Хәрби комиссары Динар Тимербаев Алина Тимербаевага сабырлык, сәламәтлек теләп орденны тапшырды. —Һәр ир-егет үзенең гаиләсен, туган илен якларга тиеш. Сез нәкъ шундый ул үстергәнсез. Аның батырлыгы, кыюлыгы, туган илен ихлас яратуы өчен шушы награданы тапшырабыз, — диде ул. ────────────── Комментировать ›