Горчица — табигый «яшел ашлама». — 8 сентября 2026 г. в 05:35:22.277
Горчица — табигый «яшел ашлама». Уңыш җыеп алынган түтәлләр буш тормасын өчен, аларга сидератлар, аерым алганда, ак горчица чәчү — иң отышлы алым. Бу ысул сезгә табигый органик ашлама биреп кенә калмый, туфракны чүп үләннәреннән һәм авырулардан сакларга да ярдәм итә. Горчицаны сентябрь ахырына кадәр чәчәргә мөмкин. Туфракны әзерләү: Чәчү алдыннан чүп үләннәреннән арындырырга, җирне 25 сантиметр тирәнлектә казып, тырма белән тигезләргә кирәк. Бәрәңге бакчасында исә җир инде йомшак булганлыктан, аны тырма белән тигезләү дә җитә. Чәчү нормасы: Гади ашлау өчен бер сутыйга 250–400 грамм орлык кирәк. Әгәр максатыгыз — корткычлар (проволочник, нематода) белән көрәшү икән, норманы 600 граммга кадәр арттырырга киңәш ителә. Үсү шартлары: Горчица дым ярата, шуңа күрә аны яңгырлы көннәрдә яки дымлы туфракка чәчү нәтиҗәлерәк. Орлыкларны сипкәч, җир белән күмәргә онытмагыз. Ни өчен горчица файдалы? Җавап сайтта: https://baltachtan.ru/news/novosti/2026-09-08/gorchitsa-tabigyy-yashel-ashlama-4805698 ────────────── Комментировать ›