ЛУ ИКШЫВАН АВАЛАН КӰКШӦ НАГРАДЫМ КУЧЫКТЕНЫТ — 9 июля 2026 г. в 09:38:41.371
ЛУ ИКШЫВАН АВАЛАН КӰКШӦ НАГРАДЫМ КУЧЫКТЕНЫТ Теҥгече Бирск оласе вис-вис дене сӧрастарыме Октябрьский площадьыште Еш, йӧратымаш да ӱшанле улмо кечылан пӧлеклыме шымше республикысе фестиваль эртен. Тудым тений Башкортостаныште Татун илыше кугу еш идалыклан да Российыште Калык-влакын икоян улмо идалыклан келыштареныт. Пайремыште тыгак шуко икшыван еш-влакым чапландареныт, нуным тӱрлӧ награда дене палемденыт. Тыгай еш-влак коклаште Нефтекамск ола гыч Сергей ден Анжелика Шуматбаевмытын ешыштат лийын. Фестивальыште Анжелика Александровналан Башкортостан Вуйлык Радий Хабиров кӱкшӧ кугыжаныш наградым - «Героиня ава» медальым - кучыктен. Келшен илыше кугу ешыште ава-ача лу икшывым ончен куштат. Шуматбаевмытым шокшын саламлена да пеҥгыде тазалыкым, еш пиалым тыланена! Л. ГРИГОРЬЕВА. БР Вуйлыкын сайтше гыч налме фото.