Бажи улемс лезэвекс
Бажи улемс лезэвекс 2022 иень октябрясто Алексей Чикуновонь эрямозо пек полавтовсь – сон тердезель СВО-нь таркас. Тюрематнень пингстэ церась получась военной стака томбавома. Удалов кадовсть демобилизациясь ды шумбрачинь витемань ламо ковтне. Боевой тевтеематнеде икеле Алексеень ульнесь средней профессиональной образованиязо, важодсь грузчикекс. Ансяк ранявомадо мейле стака физической важодемантень велявтомс а кодаль. Сон макссь кевкстема, кода муемс эсь прянть сэтьме эрямосонть? Кода таго теевемс лезэвекс? Каршо валт муевсть «День участника СВО» мероприятиясонть, косо боецэсь теевсь содавиксэкс Ицялонь районсо «Работа России» Кадрань куншкакуронь специалисттнэнь марто. Те ульнесь аволь ансяк консультация, а покш кинь ушодкс. Вешницянть мельга кемекстызь персональной кураторонть, конась анокстась сонзэ туртов башка план. Сонензэ макссть профессиональной ориентациянь коряс государственной лезкс, истя жо «Мое резюме», «Мое собеседование» сервистнэнь вельде. Те лездась тензэ кочкамс важодемань доступной ды мельстуиця енкстнэнь ды изнямс талноманть. Важодемань таркатнень муемань Весероссиянь ярмункань региононь пелькссэнть Алексей Чикуновнень кочкизь башка предпринимателенть кедьстэ подсобной важодицянь тарканть – предприятиясь пили чувтот ды теи поддонт. Консультанттнэнь лезксэст вельде ветеранось вадрясто ютызе собеседованиянть ды лиссь важодеме. «Кадрань куншкакурос васенцеде самсто маринь лезкс. Важодемань вадрясто вешнеманть туртов арсинек резюме, ютавтынек собеседованиятненень анокстамонь коряс тренингть. Те пек эряви боецэнть туртов, конась бажи улемс лезэвекс кудов велявтомадо мейлеяк», – евтни Алексей Чикунов.