Мельстуиця экскурсия

Мельстуиця экскурсия Мордовия Республикава «Защитники Отчества» Госфондонь филиалонть лезксэнзэ вельде СВО-нь маштовозь ды емазь участниктнень эйкакштне якасть мельстуиця путешествияв «Кречет» сафари-парков, конась ашти Кочкурбуень Давыдвелесэнть. Мероприятиясь алтазель Эйкакшонь ванстомань чинтень. «Кречет» сафари-паркось – лия енов а молиця тарка, косо ракшатне марить пряст алкукс зыянтомочисэ. Пертьпелькссэнть эрить 400 ламо благородной сярдот, лишмень семия, мазый нумолот ды натой идем тувот. «Сафари-парк «Кречет» проектэнь теицянть Светлана Катковань марто од инжетне витизь мелест пертьпельксэнь мазычисэнть, ардтнесть специальной транспортсо, прявтось – кемекстасть сюлмот идем пертьпельксэнть ды сонзэ эрицятнень марто. Сехте содавикс ды седейс токиця тевтнестэ вейкесь, конась ули «Кречет» сафари-парксонть, – благородной ды тешкс марто сярдотнень андомась. Эйкакштне тень теизь покш мельспаросо! «Течи минь мельспаросо вастынек вишка инженек, – тешкстызе «Сафари-парк «Кречет» проектэнь теицясь Светлана Каткова. – Минь свалшкань лувсо ютавттано паронь теемань акцият «Защитники Отечества» фондонть марто вейсэ, содавттано эйкакштнень идем пертьпельксэнть марто. Течи миненек удалась андомс паро сярдотнень, маралятнень ды идем тувотнень, истя жо симемс чайде ванькс коштсо паро беседкасо. Минь свал анокт минек геройтнень эйкакштненень лездамонтень ды пурнамс сынст туртов истят ледстневиця мероприятият». Тиринь масторонь ванстыцянть церазо Никита Кузнецов видькстась, сехте пек мелезэнзэ тусть тешкс марто сярдотне. «Сынст меревсь андомс ды вадяшамс», – мерсь сон. «Покш сюкпря минек эйкакштнень туртов евксонть кисэ, – мерсь авазо Оксана Кузнецова. – Минь пек умок бажинек понгомс тей, ды вана окойники меленек топавтовсь! Истят ардтнематне казить минек эйкакштненень вадря ежомарямот, од панжомат ды возможность неемс пертьпельксэнь дивавтыця масторонть». Фотось «Защитники Отечества» Госфондонть.