Мелень кепедиця вастовома
Мелень кепедиця вастовома Стакасто ранявома марто спецоперациянь ветерантнэ содавтызь Темниковань кудонть-интернатонть, косо эрить опорно-двигательной аппаратонь орматнень марто эйкакштне. Те мероприятиясь топавтовсь Мордовия Республикава «Защитники Отечества» Государственной фондонь филиалонть, МР-нь Спортонь министерстванть, Швецов лемсэ республикань адаптивной спортонь школанть ды Мордовиянь Футболонь федерациянть лезксэст вельде. Интернатонь инжекс кармасть адаптивной футболонь коряс СВО-нь ветерантнэнь командань участниктне ды Тиринь масторонь ванстыцятне, конат стакасто ранязельть фронтсо. Ветерантнэ кандсть мартост спортонь алкуксонь кенярксчи, анокстасть эйкакштнень туртов спортонь эрьва кодат мероприятият. Сынь налксесть столь лангонь тенниссэ, шашкасо, шахматсо ды дартссо. Изницятнень туртов анокстазельть медальть ды грамотат, мезесь кармась участниктненень покш кенярксокс. Мероприятиянь башка енксокс кармась 3-D моделированиянь коряс мастер-классось, конань ютавтызе Андрей Шепелев, истя жо Виктор Суглинэнь прявтсо тонавтнемань дронсо «ливтнематне». Ветеранось истя жо невтинзе эйкакштненень адаптивной автомобильсэ ардтнемань ушодкстнэнь, мезесь кепедсь эйкакштнень мельспарост. Те мероприятиясь аволь ансяк кемекстызе ветерантнэнь ды эйкакштнень ютксо сюлмонть, истя жо кармась вадря ежомарямотнень теемасо ды стакачитнень марто вастовицятнень туртов лезксэнь явомасо прявт эскельксэкс. Спецоперациянь ветеранось Сергей Кочнев мероприятиядонть кортамсто тешкстызе: «Минь тагояк анокстынек спортонь кенярксчи лавшо шумбрачи марто эйкакштнень туртов. Те покш кеняркс аволь ансяк сыненст, истя жо миненекак. Неть эйкакштнень виест кепеди меленек ды а максы нолдамс кеденек». Интернатонь воспитанницась Даяна Паршакова евтнесь эсь ежомарямодонзо: «Минек ванстыцятне – пек вадря ломанть, конат мусть вийть ранявомадо мейле ушодомс эрямонть одс. Сынь кармавтыть минек а максомс пря ды молемс изнямотнес икелев! Те вастовомась минек туртов ульнесь омбоцекс, ансяк аволь меельцекс – карматано учомо ванстыцянок одс!» Темниковань кудонь-интернатонь прявтось Владимир Кукушкин тешкстызе истямо мероприятиянь эрявиксчинть: «Те мероприятиянть эрявиксчизэ – минек эйкакштнень виевгавтомасо. Течи састь алкуксонь геройть, ды эйкакштне тень неить. Истят вастовоматнеде мейле минек эйкакштне гайневтить ванстыцятненень, кортыть мартост ды евтнить эсь изнявкстнэде. Те пек эрявикс ды мельспаро!» Мероприятиянть прядовомга эйкакштненень максозельть спортонь казнеть Футболонь федерациянть пельде, а Даяна ловнызе стихотворениянть, конасонть пачтинзе эсензэ ежомарямотнень ды боецтнэнень лездамонть: «Надежда на бумаге» Лампочка, столик, листочек бумаги… Мысли, что вместе собрать не могу. Сколько же нужно душевной отваги, Чтобы письмо прилетело к бойцу? Слов не найду – лишь дрожащие строки, Свет из окна, тишина, я не сплю. Пишу в полумраке, боясь даже вздоха, Чтоб не спугнуть эту хрупкую мглу. Но каждое слово – как искра надежды, Как теплый платок, что спасет в холода. Ты их прочтешь – тебе станет чуть легче, Все наши письма тебе как броня. Я шлю тебе свет сквозь туман и разлуку, Сквозь ветер, что рвет в эту ночь тишину. Я искренне верю: возьму твою руку, Когда ты вернешься с победой в бою».