Казевсь «Весемесь Изнямонть туртов!» тешкссэ

Казевсь «Весемесь Изнямонть туртов!» тешкссэ Мордовиясто СВО-нь ветеранось Александр Миронов казевсь «Все для Победы!» мештесэ кандтнемань тешкссэ. Казнесь максозель Народной фронтонь форумсо, конасонть ульнесь Россиянь Президентэсь Владимир Владимирович Путин. Мероприятиясь ютась Московонь «Россия» Национальной центрасо. Александр тешкссэнть казевсь спецоперациянь участниктненень лезксэнь максомасонть путовксонть кис. Сцена лангс сон лисекшнесь аванзо Валентина Николаевна марто. Масторонь ванстыцянтень награданть максызе социальной политикань коряс РФ-нь Правительствань Председателень полавтыцясь Татьяна Голикова. Героентень залсо пурнавозтне цяпасть стядо. Александр Мироновонь послужной спискасонзо ВДВ-сэ служамось, Донбассось ды Сириясь. 2023 иестэ стакасто ранязель ды емавтызе сельмевалдонзо. Героизманть кис казезь Мужествань кавто ордентнэсэ. Сэредькстнэ ды стакачитне эзизь синде церанть. Сон пурнызе «Сокор ветерантнэнь союзонть». «Герои среди СВОих» региононь программанть коряс тонавтнеманть лувсо эсензэ кудосо панжсь сокор ветерантнэнь туртов реабилитациянь центра. Ней Александр тонавты боевой оянзо, кода нолдамс тевс адаптивной техниканть, сельмевалдовтомо топавтомс кудоютконь тевть ды а кадовомс ве ено сэтьме эрямодонть.