Волонтёрось Татьяна Богатырева пурнась эсь ваксс 500 лездыцят
Волонтёрось Татьяна Богатырева пурнась эсь ваксс 500 лездыцят Мордовиянь волонтерось Татьяна Богатырева пурнась эсь ваксс 500 лездыцят. Весе сынь максыть лезкс фронтов «По зову сердца» волонтеронь вейсэндявкссонть. Сынь пурныть гуманитарной лезкс военнослужащейтнень туртов, кодыть алтымат, теить нашлемникть, валыть окопонь штатолт. Теке марто эсест васенце задачакс ловить СВО-нь участниктненень ды ветерантнэнень мельваноманть. Боецтнэ макссть Татьянанень «Фартовая» позывной ды казсть тензэ истямо лем марто военнослужащеень жетон. Аволь умок Татьяна ульнесь «Все для России. Все для победы» Народной фронтонь форумсо. «Россия» Национальной центрас пурнавкшность 1700 ламо ломанть Российской Федерациянь 89 субъекттнэстэ, сынст ютксо – волонтеронь вейсэндявксонь представительтне, конатне весень марто вейсэ путыть эсест таликаст изнямонтень. Татьяна тешкстась, сонензэ пек мельспаро, Мордовиясь ды сон кармасть весе масторонь волонтертнэнь покш семиянь пельксэкс.