❗❗МР-нь Пресс-центрасо ютась «Меры безопасности ко дню знаний» теманть коряс пресс-конф...
❗❗МР-нь Пресс-центрасо ютась «Меры безопасности ко дню знаний» теманть коряс пресс-конференция. Вастовомантень сакшность МР-ва МВД-нь ды МР-нь Образованиянь министерствань важодицятне. Сынь пачтясть, республикань весе общеобразовательной учреждениятне ванкшнозь, сынь анокт тонавтнемань од иентень. Школатнесэ улить эрявикс учебниктне. Ванкшнозь школань малав 250 автобуст. Ванкшнозь школатнень перька таркатнеяк, тесэ муезь ламо асатыкст: арасть тешкст, конат пачтить тонавтнемань таркань улемадо, арасть килангонь знакт, арась валдомтома. Весе тень эряви витемс. Сентябрянь васенце чистэ а кармить миеме иредстиця симемапельть. Эрьва школанть вакссо кармить аштеме ГАИ-нь важодицятне. Промксонь ветицятне пачтясть: бути тетятне-аватне сыргить сентябрянь васенце чистэ школав машинасо – кадык лоткавтсызь сонзэ седе ве енов. Иляст уле кодаткак стакачить. Сентябрянь 4-це чистэ весе школатнесэ ютавтови безопасностень урок.