✅Поладтано евтнеме кодат вадря полавтомат минек республикасо листь меельце иетнестэ. Те...
✅Поладтано евтнеме кодат вадря полавтомат минек республикасо листь меельце иетнестэ. Течи минек ванновт ало Покш Березникень районось. Эряви евтамс, меельце шкастонть те буесь эрязасто касы-виевгады. Эрьва ие тееви мезе-бути од. Истя, меельце иетнестэ педе-пев витнезель-вадрялгавтозель Культурань кудось, панжозельть модельной библиотекат, ФАПт, одкстомтозь райцентрасо паркось, теевить кить. Покш Березниксэ виев важодема ветяви «Комплексная жилищная застройка» программанть коряс. Райцентрасонть появасть вете од ульцят, косо тееви неень шкань весе эрявикс инфраструктурась. 🍀Теке марто, «Формирование современной городской среды» муниципальной программанть коряс райцентрасонть витнезь-вадрялгавтозь микрорайононь малав весе кудотне. Тесэ покш важодема ветяви патриотической енкссонть ды башка мель явови минек историянтень. 💯Покш Березникень районось весенень ламосо содавикс Сурань рубеженть коряс, конась Ине Отечественной войнанть шкасто кармась стратегической таркакс. Меельце иетнестэ те енксонтень ульнесь башка мель ды панжозель «Сурский рубеж» мемориальной комплексэсь, конанть содавтомо течи ардыть масторонь эрьва ендо. 👆Ней «Туризм и гостеприимство» национальной проектэнть лувсо Покш Березникень райононь Николаевка велесэ тееви «Сурский рубеж. По следам героического прошлого» туристэнь маршрут. 📍Маршрутонь таркась ашти Сурань вить чиресэ ды ванстынзе историянь фортификациянь алкуксонь пелькстнэнь. 👥 Арсеви, маршрутось карми вешнемань отрядтнэнь ды военно-исторической реконструкциянь клубтнень туртов пурнавомань куншкакурокс. ❗Сурань рубежесь – те минек историясь, конань зярдояк а эряви стувтнемс.