✅🌸💥Оштне ды велетне вадрялгавтовить
✅🌸💥Оштне ды велетне вадрялгавтовить Меельце шкастонть минек республикасо лиссть ламо полавтомат, конатнень вельде седе вадрялгады ломантнень эрямост. Истя, теевсть кить, витневсть-петневсть школат, эйдень кужот, покш важодема ветявсь нацпроекттнэнь топавтоманть коряс. Паро невтевкст улить килангонь инфраструктуранть вадрялгавтомасо. Ды весе неть роботатне ветявсть ды ветявить аволь ансяк Мордовиянь прявт ошсонть – Саранскойсэ, истя жо покш полавтомат улить республикань райцентратнесэяк ды покш велетнесэяк. Невтемга, «Формироваие комфортной городской среды» федеральной программань «Жилье и городская среда» нацпроектэнть вельде малав весе районтнэсэ ветяви покш робота эрямо кудотнень перька таркатнень витнеманть коряс, теевить-вадрялгавтовить общественной таркат. «Комплексное развитие сельских территорий» программанть лезксэнзэ вельде меельце шкастонть велетнесэ панжовсть бассейнат, педе-пев витневсть зярыя Культурань кудот. «Демография» ды «Здравоохранение» нацпроекттнэнь вельде теевсть эйдень од кужот, ФАПт ды истя седе тов. Теезь ламо, важодемась жо поладови седе тов. Ды минь карматано евтнеме тенк неть эрявикс ды вадря полавтоматнеде. Течи минек ванновт ало Саранск ошонь фонтанной валгома таркась. Сон – Мордовиянь прявт ошонть визитной карточка, косо вечкить ютавтомо юткошкасто кода ошонь эрицятне, истя сыця инжетнеяк. Кода содатано, ней те таркасонть ветявить педе-пев витнемань тевть. Мезе уш теезь: - Анокстазь сэдень нежетнень туртов юрось, маласо шкастонть кармить стявтовомо сынсь нежетнеяк; - Моли покш сцепляемость марто гранитэнь плиткань путомась, тельня илязо уле нолажа; - Калавтозь ташто фонтантнэ, ветявить важодемат од трубатнень ветямонть коряс. «МАПО-ТРАНС» предприятиянь проектэнть коряс строямонь площадкасонть важоди Россиясо Liebherr самоходной вейкине кранось, конань сталмозо 350 тоннат. Сонзэ вельде важодицятне путыть сы шкань сэдень бетононь 8 балкат. Курок тесэ кармить неень шкань фонтант, конатнева мереви якамс, оймсемань тарка, од валдомтома. Ды целанек карми седе валдо ды мазый. Ялго якамонь таркань витнемань тевтнень арсеви топавтомс иенть прядовомс. Витнемадо-петнемадо мейле Фонтанной валгома таркась ванстсы эсензэ лия енов а молеманть ды топавтови од редявикс акценттсэ.