❗❗Апак сае кредитэнть пекстамга кучсь 2 миллиондо ламо целковойть
❗❗Апак сае кредитэнть пекстамга кучсь 2 миллиондо ламо целковойть «Лямбирский» Россиянь МВД-нь ММО-нь дежурной частев пшкадсь 72 иесэ Саранскоень вузонь икелень профессорось, конась пачтясь 2 миллионт 235 тежат целковоензэ манязь саламодо. Зыянс понгозенть валонзо коряс, мессенджерсэ Госуслугань профильстэ сась тензэ пачтямо задолженностень улемадо. Церась ютась ссылкаванть, косо тешкстазель технической лезксэнь максыцянть телефононь номерэсь. Сон гайневтсь, седе тов кортнесь буто Росфинмониторингень «следователенть» ды ФСБ-нь лжепредставителенть марто. Неть алюхатне видеозвоноконть вельде пенсионерэнтень невтизь удостоверенияст ды кортавтызь рамамс од телефон, конань вельде, келя, седе тов поладома мартост кортнеманть. Кортнемстэ аферисттнэ пачтясть, шкань апак таргсе пенсионерэнтень пекстама кредитэнть, конась саезь лангозонзо. Тандадомань пачк зыянс понгозесь саинзе банксо путозь миллион целковоензэ ды тензэ максозь QR-кодонть вельде ярмактнень кучинзе асодавикстнэнень. Шкань ютазь зыянов тевень теицятне таго гайневтсть профессоронтень ды пачтясть, келя, кредитэсь эзь пекставо, тень кувалма эште кучома чондат. Ярмаконь асатномга ломанесь миизе «Тойота Рав 4» автомобилензэ. Кисэнзэ саезь 1 миллион 200 тежат целковойтнень истя жо кучинзе мошенниктненень. Нама, шкань ютазь сон фатясь, керчавсь апаро ойметнень алтымазост, ды пшкадсь полицияв. Мордовия Республикава МВД-сь кармавты: – Зярдояк илядо ютне кавтолдовтыця ссылкатнева. Асодавикстнэнь эли малавикстнэнь ды ялганк пельде сазь ссылкатне, конатнень аккаунтост яжизь, сеедьстэ ветить фишинговой сайттнэс паролень ды банконь картань данноень саламга. Бути тыненк гайневтсть банконь, полициянь эли «Госуслуги» порталонть пельде, сеске лоткавтынк кортамонть ды гайневтеде организациянь телефононь официальной номерганть, конась тешкстазь сынст сайтсо.