ГБПОУ РС(Я) «Харбалахский образовательный комплекс им.Н.Е.Мординова - Амма Аччыгыйа»
Образование · 23 августа 2026 г.
🤩ӨРӨСПҮҮБҮЛҮКЭТЭЭҔИ СААХЫМАТ ТУРНИРА — 23 августа 2026 г. в 03:56:00.236
🤩ӨРӨСПҮҮБҮЛҮКЭТЭЭҔИ СААХЫМАТ ТУРНИРА 🤩Атырдьах ыйын 22-23 күннэригэр А.Е.Мординов аатынан Тааттатааҕы лицей киэҥ саалатыгар Харбалаах нэһилиэгиттэн төрүттээх, кэнчээри ыччаты саахымакка үөрэтиигэ аатырбыт тренер, элбэх оҕону билиигэ уһуйбут физика учуутала Степан Николаевич Александров 80 сааһыгар анаммыт Өрөспүүбүлүкэтээҕи түргэн саахымат турнира ыытылла турар. Бу бэлиэ тэрээһин үөрүүлээх аһыллыытыгар Таатта улууһун баһылыга Айаал Бурцев, Степан Николаевич төрөппүт уола Георгий Александров, үөрэхтээһин профсоюһун бэрэссэдээтэлэ Прокопий Борисов күрэхтэһээччилэргэ кэрэхсэбиллээх, ситиһиилээх күрэҕи баҕардылар. Турнирга Тааттаттан, Чурапчыттан, Мэҥэ - Хаҥаластан, Дьокуускайтан уонна Покровскайтан барыта 60-ча кыттааччы кэлбит. Ол курдук, 9-гар, 12-гэр уонна 17 саастарыгар дылы оҕолор, маны таһынан үөрэх тэрилтэлэрин педагогтара хас да бөлөҕүнэн илин-кэлин түсүһэн, өй-санаа күүһүгэр киирсиэхтэрэ. Маннык тэрээһин саахымат спордун өссө кэҥэтиигэ уонна тарҕатыыга улахан кылааты киллэрэрэ, кэнэҕэски көлүөнэни, эдэр ыччаты өй-санаа оонньуутугар көҕүлүүрэ саарбаҕа суох. Буола турар күрэх түмүгүн "Таатта" хаһыат кэлэр нүөмэригэр ааҕаарыҥ. 📸 Наталья Антоева хаартыскаҕа түһэриитэ @taattagazeta @ulusmedia