Байанай ыйын көрсө Ньурбатааҕы техникум үлэһиттэрэ уонна устудьуоннара саха омук үйэлэр...
Байанай ыйын көрсө Ньурбатааҕы техникум үлэһиттэрэ уонна устудьуоннара саха омук үйэлэри уҥуордаан кэлбит үтүө үгэһинэн муҥхаҕа сылдьан, айылҕаҕа тахсан сынньанан, эт-хаан өттүнэн чэбдигирэн кэллилэр. Тэрээһин сүрүн сыалынан ыччаты саха төрүт дьарыгар сыһыарыы, үлэҕэ үөрэтии уонна иллээх кэлэктиип сомоҕолоһуутун бөҕөргөтүү буолла. Айылҕаҕа тахсыы устудьуоннарга үөрэх кэминээҕи сылаалаах күннэртэн аралдьыйа, төрөөбүт дойду кэрэтин, кини баайын кытта алтыһыы дьикти иэйиитин бэлэхтээтэ. Саха дьоно былыр-былыргыттан «Күөх Боллох» диэн уу иччитигэр сүгүрүйэн, кини күндүлээтэҕинэ эрэ илимҥэ, муҥхаҕа өлгөм булт киирэрин билэллэр. Ньурба техникумун хамаандата эмиэ үгэһи тутуһан, Байанайы аһатан, алгыс тылынан көрдөһөн, күөх далайтан илии тутуурдаах, өттүк харалаах кэллэ. Күөх Боллох иччитэ күндүлээн дьон үөрүүтэ үрдээтэ.