🎶Самаан сайыны уруйдуу, Ырыа күнүн бэлиэтии "Бэрдьигэстээх барахсан" сквергэ кэлэн муһ... — 29 мая 2026 г. в 05:17:01.208
🎶Самаан сайыны уруйдуу, Ырыа күнүн бэлиэтии "Бэрдьигэстээх барахсан" сквергэ кэлэн муһуннубут!🌸 ☀️Ыам ыйын 21 күнүгэр, самаан сайыны уруйдуу, "Бэрдьигэстээх барахсан" сквербит ырыанан дуораһайан, үөрүүлээх тэрээһин ыытыллан ааста! Бу күн Горнайдааҕы интэринээт-дьиэ олохтоохторо, ырыа алыптаах дорҕоонугар уйдаран, үөрэн-көтөн кыттыыны ыллылар. . . . 🌿Бэрдьигэстээх кырдалын, Маатта үрэх кытылын биэрэгэр тэриллибит бу тэрээһин, Саха сиригэр ыытыллар Ырыа күнүн уруйдуу тэрилиннэ. Кырачаан ырыаһыт, "Кырачаан ымыылар" оҕону сайыннарар киин иитиллээччитэ Күннэй Дьяконова эҕэрдэ ырыатынан саҕаланна. Салгыы, ырыа куттаах Бэрдьигэстээх орто оскуолатын үөрэнээччилэрэ, Сэмэн уонна Софрон Даниловтар ааттарынан Духуобунас киинин "Сыдьаайа" вокальнай ансаамбыла, Анна уонна Сентябрина Минеевалар, ону тэҥэ Нина Сутакова-Айылҕаана эҕэрдэлээтилэр. Бу күнү тэрийээччилэргэ, кыттыыны ылбыт ырыаһыттарга, уонна кинилэр салайааччыларыгар, ырыа күнүнэн эҕэрдэбитин уонна махталбытын тиэрдэбит!👏🤗 Үөрүүлээх тэрээһин, "Бэрдьигэстээх барахсан" ырыатын күргүөмүнэн, улаханныын-кыралыын бары бииргэ толорууларынан түмүктэннэ. Бу ырыа, биһиги биир сомоҕо буолуубутун, биир тыынынан тыыныыбытын көрдөрөр.🙌🤗 💫Ырыа күнэ биһиэхэ үөрүү, сырдык санаа, уонна кэрэ кэскили бэлэхтээтэ!