Горнай улууһун баһылыга Никита Викторович Андреев Мария Григорьевна Тарасованы 101 сааһ...
Горнай улууһун баһылыга Никита Викторович Андреев Мария Григорьевна Тарасованы 101 сааһынан эҕэрдэлээтэ Горнай улууһун Бэрдьигэстээх нэһилиэгин олохтооҕо, тыыл уонна үлэ ветерана Тарасова Мария Григорьевна бүгүн 101 сааһын бэлиэтээтэ. Бу күндү кэрэ бэлиэ күнүнэн Мария Григорьевнаны Горнай улууһун баһылыга Никита Викторович Андреев уонна Бэрдьигэстээх нэһилиэгин дьаһалтата истиҥник эҕэрдэлээтилэр. Мария Григорьевна олоҕо — төрөөбүт дойдутугар таптал, үтүө суобастаах үлэ, дьонугар көмө буолуу уонна төрөөбүт култуураны көмүскээһин үтүө холобура. Сэрии сылларыгар тыылга үлэлээн, Улуу Кыайыыга кылаатын киллэрбитэ, сэрии кэнниттэн да нэһилиэнньэ култууратыгар уонна общественнай олоҕор күүскэ үлэлээбитэ. Мария Григорьевна фольклор төрүттэрин харыстааһыҥҥа, саха норуотун музыкальнай уонна ырыа-айымньы культуратын сайдыытыгар баһылаах кылаатын киллэрбит киһи. Угуйа сылдьар хомусчут, норуот айымньытыгар төрүттээх ырыаһыта буолар. Үйэ сааскытын ааспыккытынан, Мария Григорьевна! Уһун үйэни, чэгиэн доруобуйаны, дьолу-соргуну баҕарабыт!