Мытаахтан бастакы ССРС спордун маастара оҕолорго күрэхтэһии бэлэхтээтэ
Мытаахтан бастакы ССРС спордун маастара оҕолорго күрэхтэһии бэлэхтээтэ 🏆Кулун тутар 22 күнүгэр Мытаахха ИДьМ бэтэрээнэ Василий Ефремов бирииһигэр оҕолорго улуустааҕы күрэхтэһии буолла. Нэһилиэк көҥүл тустууга бастакы ССРС спордун маастарын көбүөрүгэр Бэрдьигэстээхтэн, Одунуттан, Маалтааныттан, Атамайтан 85 эдэр бөҕөс күөн көрүстэ. 🤼♂️Василий Дмитриевич эдэр бөҕөстөрү спорка көҕүлээн, саастарынан арааран, 2012-2014, 2015-2016, 2017-2018 с.с. төрүөх оҕолорго тустуу бырааһынньыгын бэлэхтээтэ. 👏👏Көҥүл тустуу бэтэрээнин нэһилиэк баһылыга Иван Петров, улуус спордун тэрилтэлэрин дириэктэрдэрэ норуоттар икки ардыларынааҕы кылаастаах спорт маастара Осип Михайлов, СӨ спордун маастара Егор Захаров, көҥүл тустуу федерациятын бэрэссэдээтэлэ, Бэрдьигэстээх нэһилиэгин баһылыга Алексей Аргунов, Мытаахха, Солоҕоҥҥо, Одунуга олорор аймахтарыттан Иван Николаев, Егор Ефремов, Ефрем Ефремов о.д.а. эҕэрдэлээтилэр. 💥💥Эдэр саастарыгар тустуу көбүөрүгэр кыайыы үөрүүтүн, хотторуу хомолтотун бииргэ үллэстибит үөлээннээхтэрэ, Саха сирин, Горнай аатын ааттата сылдьыбыт Константин Леонтьев, Василий Пахомов, Егор Марков ыҥырыылаах ыалдьыт быһыытынан оҕолор хапсыһыыларын астына көрдүлэр. ✊Мытаахтаан боксаҕа, көҥүл тустууга ССРС, Россия спордун маастарда Василий Константинов бэйэтин уонна охчут Тимофеевтар дьиэ кэргэттэрин аатыттан, Петр Сивцев, олохтоох дьону кытары үөрэн-көтөн туран, бастыҥ бөҕөстөргө анал бириистэри олохтоон, уолаттар сүргэлэрин көтөхтүлэр. ✍️"Үлэ күүһэ" сонуннара