Ил Дархан Айсен Николаев Нуучча тылын күнүнэн эҕэрдэлээтэ — 6 июня 2026 г. в 13:27:48.840
Ил Дархан Айсен Николаев Нуучча тылын күнүнэн эҕэрдэлээтэ Ону сэргэ бүгүн Александр Сергеевич Пушкин төрөөбүтэ 227 сыла бэлиэтэнэр. «Убаастабыллаах Саха Сирин дьоно-сэргэтэ! Күндү доҕоттор! Мөлүйүөнүнэн дьону түмэр Нуучча тылын күнүнэн истиҥник эҕэрдэлиибин! Бу бэлиэ күҥҥэ улуу поэт Александр Сергеевич Пушкин төрөөбүтэ 227 сылын эмиэ бэлиэтиибит. Нуучча тыла - аан дойду модун тылларыттан биирдэстэрэ, 255 мөлүйүөнтэн тахса киһи саҥарар. Биһиги улуу дойдубутугар нуучча тыла судаарыстыбаннай тыл буолар уонна Россия норуоттарын култууратын көрүҥнэрин уонна түмсүүлэрин сайыннарыыга сүрүн оруолу ылар. Судаарыстыбабыт духуобунай уонна сиэр-майгы үгэстэрин, култууратын уонна национальнай уратытын бигэ тирэҕэ буолбута. Нуучча тыла ааспыты, билиҥҥи уонна кэскили ситимниир. Бу нуучча литературатын классиктарын улуу айымньыларын, научнай ситиһиилэрин уонна искусство араас жанрдарын уһулуччулаах айымньыларын тыла», — диэн Саха сирин баһылыга эҕэрдэтигэр бэлиэтээтэ. Хаартыска: СӨ бырабыыталыстыбатын уонна баһылыгын дтаһалтатын пресс-сулууспата