🍁✨Ньурба тыйатырыгар алтынньы 9 күнүгэр "ИС СҮРЭХТЭН ЭҺИЭХЭ ЭРЭ АНААН" диэн Аҕам сааст...
🍁✨Ньурба тыйатырыгар алтынньы 9 күнүгэр "ИС СҮРЭХТЭН ЭҺИЭХЭ ЭРЭ АНААН" диэн Аҕам саастаах Ньурба олохтоохторугар анаммыт сынньалаҥ киэһэ буолан ааста. 🎭СӨ үтүөлээх артыыската Александра Кривогорницына иилээн-саҕалаан ыыппыт истиҥ тэрээһинигэр сцена маастардара СӨ норуодунай артыыстара Валентина Николаева,Борис Борисов, СӨ үтүөлээх артыыстара Майя Слепцова, Людмила Васильева, Петр Винокуров, Венера Никитина, режиссер көмөлөһөөччүтэ, СӨ култууратын туйгуна ВалентинаГаврильева, СӨ култууратын туйгуннара Барылан Дьаархан, Вера Лазарева,эдэр артыыска Аламай Айыы уонна Сергей Матвеев кытыннылар. 🎭Үгүс истиҥ алгыс тыллар, эҕэрдэлэр этилиннилэр, биктэриинэ, урукку маассабай оонньуулар ыытылыннылар, ыалдьыттар минньигэс астаах остуол тула олорон кэпсэтэн,күлэн-үөрэн, эдэр сааһы санатар урукку ырыаларынан үҥкүүлээн тэйэн астынан-дуоһуйан тарҕастылар. 🎭 Тыйаатыр идэлээх сойууһун салайааччыта Барылан Дьаархан, профком чилиэннэрэ бу киэһэ ыҥырыллан ыалдьыттаабыт тыйаатыр бэтэрээннэригэр бэлэхтэри туттардылар. 🎭Ыалдьыттар махталларын, санааларын тиэртилэр:“Оһуобай үчүгэй тэрээһин буолан ааста👍, сынньанан, дуоһуйан кэллим. Тыйаатырбар улахан Махтал, бары чөл-чэгиэн доруобай, үлэ үөһүгэр сылдьыҥ, ситиһиилэр кэлэн истиннэр, үгүс көрөөччүлээх буолуҥ.» «Театрдар наһаа үчүгэй биэчэри тэрийбиттэр. Бэйэлэрэ бары бааллар, бүтүөр дылы сырыттылар. Быыстала суох представление, оонньуу, ырыа, эҕэрдэлээһин, оһуохай. Кырдьык, ис сүрэхтэн биһиэхэ эрэ анаан тэриллибит киэһэ.Зал толору. Биэчэргэ Үһүс оскуола үс кылааһын выпускниктара, эдьиийдэрбит, балтыларбыт курдук саныыр кыргыттарбыт кэлбиттэр. Кыргыттарбыт буолуо да😂билигин аҕам саастаахтарга киирсэр буоллахпыт.» Үөрэҕирии бэтэрээнэ Николаева М.Н.: “Бэҕэһээ, алтынньы 9 күнүгэр, куорат аҕам саастаах олохтоохторугар "Ис сүрэхтэн Эһиэхэ анаан" сынньалаҥ киэһэтин бэлэхтээтилэр. Билэр, билбэт саастыылаахтарбытын көрсөн олус үөрдүбүт, астынныбыт. 10 остуол тухары тобус-толору Ньурба мааны далбар хотуттара, эбээлэр, хос эбээлэр мунньустан үөрүү-көтүү, эҕэрдэлэһии бөҕө буоллубут. Остуолларбытын кып-кырасыабай тэриллэрэ, онно ууруллубут кып-кыһыл тюльпаннар киэргэппиттэр. Хас остуол аайы 8-9 миэстэлээх. Аһылык арааһа тэлгэнэн бырааһынньык саҕаланна. Убаастыыр-ытыктыыр артыыстарбыт: Валентина Николаева, Борис Борисов, Майя Слепцова, Александра Кривогорницына, Венера Никитина вальстаан киирэн олох дууһабытын туттулар. Хомус тыаһа дьүрүһүйдэ, аһыы- аһыы ирэ-хоро кэпсэттибит, хаартыскаҕа түстүбүт. Сынньалаҥ киэһэтин Саха Өрөспүүбүлүкэтин үтүөлээх артыыската Александра Кривогорницына салайан олус истиҥник, иһирэхтик ыытта, олох тохтоло суох испэктээкилтэн быһа тардыылар, көр-күлүү, ырыа тойук доҕуһуоллаах. Ханнык ырыа тылларай, ким туруорбут испэктээкилэй диэн күрэхтэһии көхтөөхтүк ыытылынна. Маннык дьоро киэһэҕэ сылдьан, сүргэбит көтөҕүллэн, өйбүт-санаабыт Кэрэ эйгэҕэ уйдаран дьиэбитигэр тиийдибит. Махтал, Эһиэхэ Ньурбабыт тапталлаах артыыстарыгар! Инникитин өссө элбэх ситиһиилэри, тус олоххутугар дьолу-соргуну баҕарабыт!» 🎭Тыйаатыр кэлэктиибин аатыттан күндү ыалдьыттарбытыгар махталбытын тиэрдэбит, баҕарабыт чэгиэн доруобуйаны, уһун үйэни, ыраас халлааны, дьолу-саргыны, эйэлээх олоҕу!