Ньурба тыйаатыра тэриллэр сылыгар,күнүгэр 1966 сыллаахха атырдьах ыйын 22 күнүгэр Өймө...
Ньурба тыйаатыра тэриллэр сылыгар,күнүгэр 1966 сыллаахха атырдьах ыйын 22 күнүгэр Өймөкөөҥҥө төрөөбүт күндү доҕорбутун, кэллиэгэбитин, СӨ үтүөлээх артыыһын Петр Лазаревич Винокуровы 60 сааскынан уонна айар үлэҥ 35 сылынан итиитик-истиҥник эҕэрдэлиибит! Эн Уһук Илин ускуустуба педагогическай институтугар тыйаатыр уонна киинэ артыыһа идэтин баһылаан Ньурба тыйаатырыгар айар үлэ алгыстаах аартыгынан кимиилээх-хотуулаах айаҥҥын 1991 сылга саҕалыаххыттан саргылаах санааҕынан, кэскиллээх өйгүнэн, айар маастарыстыбаҕынан таптыыр тыйаатыргын байыта сылдьарыҥ иһин махтанабыт, талааҥҥар сүгүрүйэбит! Дьиэ аҕа баһылыга, өһүөтэ, эрэллээх эркинэ, кэргэҥҥэр, оҕолоргор, сиэннэргэр дурда-хахха, күүс-көмө буолан, чугас дьонуҥ истиҥ сыһыаннарыгар бигэнэн, угуттанан уһуннук, дьоллоохтук сүһүөҕүҥ үрдүгэр сылдьан нус-хас олохтонон үгүс дьоҥҥун үөрдэ сырыт! Биһиги ытыктабылбыт Эйиэхэ дьол дуолута, күүстээх өйөбүл буолан сирдээҕи олоххор сириэдийдин! Ытыктыыр, убаастыыр киҺибитигэр баҕарабыт барытыгар кыайыылаах-хотуулаах киэҥ-нэлэмэн аартыгы, хабараан тымныыга ымыттыбат, хахсаат тыалга хаарыйтарбат кытаанах, чэгиэн-чэбдик доруобуйаны, дьол сымсаабат амтанын, кэрэҕэ, сырдыкка уостубат умсулҕаны, бары үчүгэйи, ырааҺы-кэрэни! Э5эрдэни кытта кэллиэгэлэриҥ