1966 сыл атырдьах ыйын 22 күнүгэр Сахабыт Сиригэр баар профессиональнай тыйаатырдарытта... — 23 августа 2026 г. в 02:39:54.618
1966 сыл атырдьах ыйын 22 күнүгэр Сахабыт Сиригэр баар профессиональнай тыйаатырдарыттан биирдэрэ, бэйэтэ ураты суоллаах-иистээх, хатыламмат айар эйгэлээх, көрөөччүнү абылыыр, толкуйдатар, кинини кэрэҕэ, кэскиллээххэ, үрдүккэ-үтүөҕэ угуйар Ньурбатааҕы судаарыстыбаннай көһө сылдьар драматическай тыйаатыр тэриллибитэ. Тыйаатыр маҥнайгы артыыстарынан М.С.Щепкин аатынан үрдүкү театральнай училищены 1966 сыллаахха саҥа бүтэрбит эдэркээн саха ыччаттара анаммыттара. Тыйаатыр бастакы быыһа Михаил Шолохов «Тиэриллибит кырыс» испэктээгинэн арыллыбыта. Тыйаатыр уус-уран салайааччыта, СӨ ускуустубатын үтүөлээх диэйэтэлэ Юрий Макаров: «Тапталлаах тыйаатырбыт аһыллыбыт күнүнэн, төрөөбүт күнүнэн эҕэрдэлиибин!!! Валентина Пантелеймоновна, сүгүрүйэн туран Эҕэрдэ!!! Төһөлөөх элбэх дьон дьылҕата, айар үлэтэ биһиги тыйаатырбытын кытта сибээстээҕий! Сайда турдун, Ньурба тыйаатыра!!!» СӨ үт. арт. Александра Кривогорницына: “Бары эҕэрдэлэргэ кыттыһан туран, тыйаатыр инники өттүгэр өссө үүнэ - сайда, үрдүк чыпчаалларга дабайа туруохтун!!! Тыйаатыр бастакы быыһын аһыспыт талааннаах, бары ураты суоллаах -иистээх Ө артыыстарбыт, бары үлэлээн ааспыт салайааччыларбыт үтүө ааттара хаһан да умнуллубакка , көлүөнэттэн көлүөнэҕэ бэриллэн, симэлийбэккэ, тыйаатыр историятыгар ахтыллан, үйэтитиллэ турдуннар❤️” СӨ нор.арт.Борис Борисов: «Театрбыт төрөөбүт күнүнэнн! Өссө да өр кэм үүнэ- сайда , дьону үөрдэ тур!🎭🎭🎭🙌🙌🙌❤️❤️❤️» СӨ култ. туйгуна Валентина Гаврильева: «⭕Таптыыр сүгүрүйэр храммыт төрүттэммит төрөөбүт үбүлүөйдээх күнүнэн 👏👏👏⭕Убаастыыр киэӈ туттар биһиги былаахпыт Валентина Николаева 60 сыл ханна да барбакка бэриниилээхтик элбэх оруоллары айан тутан кэлбитинэн сүһүөхтээх бэйэбит сүгүрүйэбит, айхаллыыбыт! 🙌🙌🙌 ⭕Бырааһынньыкпытынан эҕэрдэ Уруй-Айхал! Ьарыгытыгар ситиһиилээх үлэни доруобуйаны💐💐💐💐💐😘😘😘» СӨ култ туйгуна Роман Семенов: “Тпталлаах ахтылҕаннаах тыйаатырым төрөөбүт күнүнэн, бары үлэлии сылдьар уонна үлэлээн ааспыт кэллиэгэлэрбэр Уруй-Айхал ❤️” Видео-Ася Колесова