🎭🍁 Бэҕэһээ, балаҕан ыйын 11 күнүгэр, "Ньурба көмүс күһүнэ" литэрэтиирэ уонна поэзи...
🎭🍁 Бэҕэһээ, балаҕан ыйын 11 күнүгэр, "Ньурба көмүс күһүнэ" литэрэтиирэ уонна поэзия бэстибээлэ саха бастакы уонна бастыҥ поэтессата Варвара Потапова тэлгэһэтиттэн саҕаланна. Манна билиҥҥи кэм поэтессата Саргылана Стручкова - Маалыкай Саргылана "Дууһам хаппахчытын арыйабын" кинигэтин уонна ырыанньыгын сүрэхтэниитэ ыытылынна. Ньурбабыт салайааччылара, айар талааннаахтара санааларын тиэртилэр, эҕэрдэлэрин анаатылар, ыллам ырыа ылланна, сылдьыбыт дьон элбэх саҥаны биллибит. Ньурба тыйаатырыттан СӨ үтүөлээх артыыската Венера Никитина, СӨ култууратын туйгуна Вера Лазарева уонна эдэр артыыска Александра Михайлова киэн туттар поэтессаларбыт Варвара Потапова уонна Саргылана Стручкова хоһооннорун иэйиилээхтик ааҕан тэрээһини киэргэттилэр. 🎭🍁Ньурба тыйаатырын кэлэктиибин аатыттан "Ньурба көмүс күһүнэ" литэрэтиирэ уонна поэзия бэстибээлин үөрүүлээх түгэннэринэн эҕэрдэлиибит, барыгытыгар күн сиригэр баар бары үтүөнү-кэрэни, сырдыгы, уостубат тапталы баҕарабыт! Уруй-туску, айхал-мичил, күөгэл-нусхал буолуохтун! 🎭🍁Тэрээһини иилээн-саҕалаан ыыппыт Ньурбатааҕы кииннэммит бибилэтиэкэ, Ньурбатааҕы түмэл үлэһиттэригэр уонна "Ньурба уоттара" түмсүү чилиэннэригэр махтанабыт. 🎭🍁Бибилэтиэкэр Маргарита Ноева: “Үгэскэ кубулуйбут "Ньурба көмүс күһүнэ" литературнай тэрээһиммитигэр, өрүү буоларын курдук, Ньурбатааҕы тыйаатыр күүстээх көмөтүгэр "Ньурба уоттара" түмсүү, Ньурбатааҕы киин бибилэтиэкэ аатыттан улаханнык махтанабыт. СӨ култууратын туйгуна Вера Лазарева Варвара Потапова хоһооннорун толоруута алтыс сылыгар барда. Кинитэ суох тэрээһин ситэтэ суоҕун Ньурба литературатын сэҥээрээччилэр, айар суруйар дьоно билинэбит. СӨ үтүөлээх артыыската Венера Никитина, артыыска Александра Михайлова ааҕыылара ааптар Саргылаана Стручкованы олус долгутта. Мустубут дьоҥҥо ордук тиийимтиэ, хоһоон ис тутулун тириэртэ. Махтал, киэн туттар, талааннаах артыыскаларбытыгар. Улахан махтал өрүү аттыбытыгар баар, үлэбитин өрүү сэргиир, өйөбүл- көмө буолар, бибилэтиэкэ, түмсүү улахан доҕоругар М. Семеноваҕа. Театрбыт бары үлэһиттэригэр айымньылаах олоххут сибэккинэн симэннин, үөрүү-кыайыы эрэ үктэллэннин диэн баҕа санаа бастыҥын аныыбыт!» Фото-видео-М.Семенова, сюжет - "Саха" НКИХ Ньурбатаа5ы филиала