Балаҕан ыйын 8 күнэ- Арассыыйа норуоттарын төрүт тылларын күнэ!
Балаҕан ыйын 8 күнэ- Арассыыйа норуоттарын төрүт тылларын күнэ! ТЫЙААТЫР УОННА ТӨРӨӨБҮТ ТӨРҮТ ТЫЛ Тыйаатыр бастатан туран дьону түмэр суолталаах, тыйаатыр дьону өйдөрүн-санааларын уһугуннарар, ыраастыыр, байытар уонна бэйэтин биир санаалаахтарыгар кубулутар аналлаах. Тыйаатыр күүһэ итиннэ сытар. Көрөөччүгэ кыра сааһыттан тыйаатыр култууратын иҥэриэххэ наада. Тыйаатыр дьон-сэргэ олоҕун быстыспат сор5ото буоларын уонна төрөөбүт төрүт тылынан саҥарар дьоҕура сайдарын курдук. Биьиги үлэбит-хамнаспыт сүрүн хайысхатыттан биирдэстэрэ ити буолар. Норуот күүһэ- өйүгэр, өйүн күүһэ-тылыгар диэн бэргэн этии баар. Төрөөбүт тылга норуот үйэлэргэ муспут өйө-санаата, сүрэ-кута, айар уратылаах толкуйа түмүллэ сылдьар. Норуот олорбут олоҕо-дьаһаҕа, дьылҕата тылыгар иҥэн сылдьар. Тыл- бүтүн норуот баайа, кэлэр кэскилэ! Оҕоҕо айар- толкуйдуур дьоҕура толору уһуктарыгар, кини салгыы үүнэр- сайдар кыахтанарыгар ийэ тыла эрэллээх эркин, модун тирэх буолуохтаах. Төрөөбүт тылбыт күннэтэ туттуллар эйгэтэ кэҥиирин, кини баайын, кыаҕын, сабыдыаллыыр күүһэ далааьыннанан иһэрин туһугар бары күүскэ үлэлиэхтээхпит, норуот дьылҕата барыбытыттан тутулуктааҕын умнуо суохтаахпыт. Биһиги оҕо ийэ тылынан иитиллэн, үөрэнэн омугун салгыы сайыннарар кыахтаах киһи буоларыгар олук ууруохтаахпыт, бигэ тирэх буолуохтаахпыт. Сахалыы сайаҕастык саҥарар, иэйиибитин истиҥник этинэр ийэ тылбыт үйэлэргэ сүппэккэ үүнэ-сайда турдун!