ГБУ РС(Я) «Управление ветеринарии с ветеринарно испытательной лабораторией Сунтарского улуса (района)»
Новости · 9 мая 2026 г.
Үлэ уонна Саас бырааһынньыга. — 9 мая 2026 г. в 12:40:10.500
Үлэ уонна Саас бырааһынньыга. Үлэ, Эйэ, Саас күнүгэр үгэс быһыытынан улууспутугар үлэ кэллэктииптэрэ нэһилиэктэринэн бука бары субуотунньукка көхтөөхтүк таҕыстылар. Бэтэринээрнэй сулууспа үлэһиттэрэ мантан туора турбакка улууспут киинигэр Сунтаарга, нэһилиэктэринэн Эйэ, Улэ, Саас бырааһынньыгын күргүөмнээх үлэннэн көрүстүлэр. Ыраастаныы үлэтэ бары нэһилиэктэринэн көхтөөхтүк барда. Куокунуга анал байыаннай дьайыыга сылдьар биир дойдулаахтарын дьиэ кэргэттэригэр оттук мас бэлэмнээһин субуотунньугар бэтэринээрнэй пуун сэбиэдиссэйэ Сергей Никитин кыттыһан бэйэтин кылаатын киллэрдэ. Иккис күнүгэр эр дьоннор уу барар хорууларын ыраастааһыҥҥа туруулаһан үлэлээтилэр. Ити кэмҥэ СХПК Кириэстээх Куокуну отделениетын субай сүөһүлэрин Бүлүү эбэ эстиэн иннинэ Быйагы диэн сиргэ сайылата көһөрөллөрүгэр Туйаара Тюкянова бэтэринээрнэй специалист быһыытынан сылдьыста, сүөһүлэри үүрсэргэ илии-атах буоллла. Сүөһүлэр этэҥҥэ сайылыыр сирдэригэр тиийэн уоскуйан, наҕылыйан оннуларын буллулар.